Мэрга мөрәҗәгать итү

Казанның милли ризыклары түбәндәге җәмәгать туклануы пунктларында тәкъдим ителгән.

«Татар утары»

«Татар утары» кунакханә-ресторан комплексы дип атала: биредә кунакханә номеры алырга, сувенирлар һәм тәм-томнар сатып алырга һәм үзеңне җирле хәлле сәүдәгәр итеп күз алдына китерергә мөмкин. Эчендә кышкы бакчаны, татар йортын һәм җәйге веранданы да кертеп, берничә мәйданчык бар.

Адресы: Казан шәһәре, Шиһабетдин Мәрҗани урамы, 8 йорт

Телефоннары: +7 987 225 04 33, +7 (843) 561 03 62

 

«Туган авылым»

Бу күңел ачу комплексында, шул ук исемдәге рестораннан тыш, «Камыр батыр» кафесы (монда гадәттә балаларның туган көннәрен үткәрәләр), «Алан аш» бистросы (төшке аш өчен уңайлы вариант), беленханә, шулай ук ачык һавада шашлык кыздыру урыны да бар. Агач ныгытма рәвешендә ясалган комплекста балалар аттракционнарда атыналар, бау паркын өйрәнәләр, ә кыш көне боз тавында шуалар. Олылар өчен боулинг, бильярд һәм мунча бар. Менюда, башка ризыклар белән бергә, бозау ите, авокадо, томат һәм алма кушып ясалган «Татарстан» салатын, «Хан табыны» дигән итләр җыелмасын, сөләйман балыгы, юлбарыс креветкалары һәм кызыл уылдыктан «Хан ухасы»н һәм баклажанлы сарык кабыргасын да табарга мөмкин.

Адресы: Казан шәһәре, Туфан Миңнуллин урамы, 14/56 йорт

Телефоннары: +7 (843) 277 25 00, +7 (843) 277 06 70

 

«Татар ашлары йорты»

Казан үзәгендәге милли ресторан тәмле, затлы ризыклар тәкъдим итә. Ресторанда милли мәдәниятне торгызуга, гореф-гадәтләрне һәм кулинар традицияләрне саклап калуга ирешелде. «Татар ашлары йорты» – Казан шәһәренең нәкъ үзәгендә, җәяүле Бауман урамында урнашкан ресторан комплексы. Ресторан янәшәсендә саклана торган уңайлы парковка бар. Холлда Сезне ачык йөз белән каршы алырлар, ә поварлар милли ризыкларның онытылмаслык тәмен бүләк итәрләр.

Адресы: Казан шәһәре, Бауман урамы, 31/12 йорт

Телефоны: +7 (843) 292 70 70

Рәсми сайты: domtk.com

 

«Түбәтәй» тиз туклану рестораны

Татар мәдәниятен заманча форматта үстерүнең дөньядагы беренче бренды.

Адресы: Казан шәһәре, Кремль урамы, 21 йорт

Телефоны: +7 952 048 00 08

Рәсми сайты: tubatay.com

 

«Чәй йорты» кафесы

Казан үзәгендә тәмле милли ризыкларны арзан гына бәягә татып карарга мөмкин булган популяр урын.

Адресы: Казан шәһәре, Бауман урамы, 64 йорт

Телефоны: 8 (843) 292-56-54

Казанда барлык төр транспорт диярлек – автобуслар, метро, трамвай һәм троллейбуслар йөри. Маршрутлар күп булу сәбәпле Казанның теләсә кайсы ноктасына, хәтта шәһәр яны районнарына барып җитү бик уңайлы. 11 метро станциясе Казанның бөтен үзәк урыннарыннан үтә, шуңа күрә транспорт иң күп йөри торган вакытта да кирәкле урыннарга бер сәгать эчендә барып җитәргә мөмкин. Җәмәгать траспортында бер тапкыр йөрү бәясе – барлык транспорт төрләренә дә 36 сум. Шулай ук транспортның барлык төрләрендә дә контактсыз банк картасы ярдәмендә йөрү 35 сумны тәшкил итә.

Транспорт картасы белән түләгән очракта бер йөрү бәясе – 35 сум.

Шулай ук Казанда гамәлдәге такси хезмәтләреннән файдаланырга мөмкин.

Казан nаксопаркы эконом-класстан алып люкс классына кадәр автомобильләрне үз эченә ала. Такси хезмәтләреннән көн саен якынча 15 000 пассажир файдалана.

Такси «Татарстан» +7 (843) 567-1-567;

Такси «Мини» +7 (843) 229-33-33;

Такси «Лидер» +7 (843) 230-00-00;

Такси хезмәтләренең телефондагы кушымталары: GETT, Uber Russia, TapTaxi, YandexTaxi, Ситимобил һ. б.

Бердәм айлык социаль йөрү билеты һәм бердәм айлык балалар социаль йөрү билеты (ташламалы транспорт картасы) Татарстан Республикасында Татарстан Республикасы Министрлар Кабинетының 2005 елның 7 нче апрелендәге 161 нче  номерлы «Татарстан Республикасында бердәм айлык социаль йөрү билеты һәм бердәм айлык балалар социаль йөрү билеты бирү тәртибен раслау турында»гы карары белән өстәмә социаль ярдәм чарасы буларак айлык акчалата түләүләр алучы ташламалы категория гражданнар өчен кертелде.

Озата баручы инвалидның (инвалид баланың) ташламалы транспорт картасы озата баручы картасы булып тора. Инвалидны (инвалид баланы) озата баручының ташламалы транспорт картасы исемле түгел, һәм I төркем инвалидны (хезмәт эшчәнлегенә сәләтен чикләүнең III дәрәҗәсе) яки инвалид балаларны озата баручы транспорт чарасында инвалид баланы озата баручы ташламалы транспорт картасын һәм ташламалы транспорт картасын күрсәтергә тиеш.

Инвалидның (инвалид баланың) ташламалы транспорт картасы исемле булып тора, ул карта хуҗасы булганда гына гамәлдә була.

Әлеге тәртип Татарстан Республикасы Хезмәт, халыкны эш белән тәэмин итү һәм социаль яклау министрлыгы, Татарстан Республикасы Транспорт һәм юл хуҗалыгы министрлыгы һәм Казан Башкарма комитеты белән берлектә 2008 елда кабул ителде.

Элек билгеләнгән тәртипкә үзгәрешләр кертүче норматив документлар кабул ителмәгән.

Мөлкәт исемлеген «кече һәм урта эшкуарлык субъектларына озак сроклы нигездә файдалануга бирү өчен өченче зат (кече һәм урта эшкуарлык субъектларының мөлкәти хокукларыннан тыш) хокукларыннан азат булган муниципаль мөлкәт исемлеген раслау турында» Казан шәһәре Башкарма комитетының 2016 елның 14 мартындагы 945 номерлы карары белән расладылар.

Россия Федерациясе Торак кодексының 57 маддәсенә таянып, социаль наем шартнамәсе нигезендә торак урыннарга мохтаҗ буларак исәптә торучы гражданнарга, аларны исәпкә алу вакытыннан чыгып, торак урыннары чиратлылык тәртибендә бирелә.

Хәзерге вакытта «Татарстан Республикасы Дәүләт торак фондыннан һәм муниципаль торак фондыннан социаль наем шартнамәләре буенча гражданнарның аларга торак урыннары бирү хокукларын гамәлгә ашыру турында» 2007 елның 13 июлендәге 31-ТРЗ номерлы Татарстан Республикасы Законының 3 маддәсе нигезендә муниципаль берәмлек территориясендә даими яшәүче, аларны торак урыннарга мохтаҗ дип тану өчен нигезләре булган (торакның гомуми мәйданы 1 кешегә 12 квадрат метрдан кимрәк белән тәэмин ителгән икән) аз керемле гражданнар исәпкә алына.

Моннан тыш, Казанда даими яшәүче гражданнар торак программалары: социаль ипотека программасы, «Казанда Яшь гаиләләрне торак белән тәэмин итү» максатчан программасы кысаларында торак шартларын яхшырта алалар. Игътибарны шуңа юнәлтергә кирәк: югарыда аталган программалар кысаларында исәпкә кую программаларның гомуми мәҗбүри шартлары үтәлгәндә генә гамәлгә ашырыла ала, шуларның берсе — Казан шәһәре территориясендә даими яшәү урыны буенча теркәлү.

Әлеге программалар турында тулырак мәгълүматны «Гарант» һәм «КонсультантПлюс» мәгълүмати-хокукый системалары аша, яшәү урыны буенча Казан шәһәре районы администрациясенә яки Миславский урамындагы 4 нче йорт адресы буенча Казан шәһәре Башкарма комитетының Торак сәясәте идарәсенә мөрәҗәгать итеп (яшь гаиләләргә түләүсез субсидия бирүне гамәлгә ашыру мәсьәләсе буенча) алырга мөмкин, шулай ук Казан шәһәре җирле үзидарә органнарының рәсми сайтында кирәкле белешмә белән танышырга мөмкин (социаль ипотека программасы турындагы мәгълүматка сылтама: https://kzn.ru/meriya/ispolnitelnyy-komitet/upravlenie-zhilishchnoypolitiki/zhilishchnye-programmy/s..., яшь гаиләләргә субсидия бирү мөмкинлеге турындагы мәгълүматка сылтама: https://kzn.ru/meriya/ispolnitelnyykomitet/upravlenie-zhilishchnoy-politiki/zhilishchnye-programmy/z....