Яңалыклар

05.05.2019, 12:09

Татарстан башкаласында Казан марафоны җиңүчеләре билгеле булды

Татарстан спортчысы Степан Киселев марафон буенча абсолют җиңүче һәм Россия чемпионы булды.

(Казан шәһәре KZN.RU, 5-нче май). Бүген Татарстан башкаласында Казан марафоны тәмамланды. Татарстан спортчысы Степан Киселев марафон буенча абсолют җиңүче һәм Россия чемпионы булды. 42,2 км дистанцияне ул 2 сәгать 12,56 минут эчендә узды.

Марафон һәм ил чемпионатының көмеш медальләрен Андрей Лейман (02:14:10) яулады, призерлар өчлеген Юрий Чечун (02:15:29) төгәлләде.

Хатын-кызлар арасында Казан марафоны җиңүчесе һәм марафон йөгереше буенча Россия чемпионы Якутиядән җиңел атлетика буенча ил җыелма командасы әгъзасы Сардан Трофимова булды (02:31:31). Икенче урынны Ирина Сергеева (02:31:58) алды. Алинә Прокопьева бронза медальгә ия булды (02:34:10).

Ярыммарафон дистанциясендә ир-атлар арасында 21,1 км дистанциядә казанлы Нияз Садыйков иң җитезе булып чыкты, аның нәтиҗәсе - 01:09:39. Екатеринбургтан Кирилл Недосеков көмеш медаль алды (01:09:45), Уфадан Вениамин Каныбеков бронза медальгә ия булды (01:10:47).

Ярыммарафон дистанциясен узучылар арасында Казан Башкарма комитеты җитәкчесе Денис Калинкин да бар иде – 21,1 км араны ул 1 сәгать 33 минутта узды.

Ярыммарафон җиңүчесе Йошкар-Оладан Людмила Лебедева булды (01:12:43). Икенче урында - Чабаксардан Ксения Махнева (01:13:03), өченчедә – Ижаудан Елена Наговицына (01:15:49).

Бүген шулай ук 10 километрга йөгерү дә узды. Ир-атлар арасында беренче булып Казаннан Антон Тингаев килде (30:51). Беренче өчлеккә шулай ук Ижаудан Андрей Трофимов (31:47) һәм Самарадан Виктор Самойлов (31:59) керде. Хатын-кызлар арасында Санкт-Петербургтан Ульяна Аввакуменкова җиңү яулады (34:49). Икенче урында - Самарадан Юлия Васильева (35:13), өченчедә - Чабаксардан Галина Иванова (36:10).

Исегезгә төшерәбез, Казан марафоны кичә старт алды. Шимбә көнне 3 чакрымлык дистанциягә иң массакүләм йөгереш булды, анда 3 меңгә якын кеше катнашты, шулай ук балалар йөгереше үтте.

Фоторепортаж

Татарстан башкаласында Казан марафоны узды

Шулай ук укыгыз

Барлык яңалыклар