Казанда “Россиянең ел укытучысы” бәйгесенең төбәк этабы старт алды

Чарада Казаннан 10 укытучы катнашты.

(Казан шәһәре KZN.RU, 13-нче март). 12 мартта Казанның Яңа Савин районының 177-нче лицеенда “Россиянең ел укытучысы-2018” бәйгесенең төбәк этабының ачылу тантанасы үтте. Чарада Казаннан 10 укытучы катнашты, алар “Методик семинар” сынавын үттеләр.

Иң яхшы укытучы исеме өчен “Казанның ел укытучысы-2018” шәһәр бәйгесе җиңүчеләре көч сынаша: “Фән укытучысы” (“Учитель-предметник”) номинациясендә Идел буе районының 19-нчы гимназиясенең тарих укытучысы Тимур Вишневский, Вахитов районының 98-нче мәктәбенең инглиз теле укытучысы Роман Чеботарев, Вахитов районының 1-нче гимназиясенең физика укытучысы Радик Хәбиров, Совет районының 175-нче мәктәбенең тарих укытучысы Дмитрий Спиридонов, Мәскәү районының 122-нче гимназиясенең рус теле һәм әдәбияты укытучысы Юлия Мельникова, Яңа Савин районының 143-нче мәктәбенең химия укытучысы Екатерина Русакова, шулай ук “Педагогик дебют” номинациясендә җиңүчеләр Совет районының 121-нче лицееның тарих укытучысы Эльвина Бикморзаева, Идел буе районының 139-нчы гимназиясенең биология укытучысы Айсылу Ваһапова, Идел буе районының 19-нчы гимназиясенең тарих укытучысы Евгений Лобанов, Совет районының 144-нче мәктәбенең информатика укытучысы Смирнов Олег Юрьевич.

Бәйгенең төбәк этабы ике этапта үтә: читтән торып катнашу һәм өч очный тур. Читтән торып катнашу туры “Методик портфолио” үз эченә ике сынау алган – “Интернет-ресурс” һәм “Мин- укытучы” эссесы. Очный тур сынаулары шәһәрнең өч мәйданчыгында үтәчәк: Вахитов районының 39-нчы мәктәбендә – “Педагогик дебют” номинациясе, Яңа Савин районының 177-нче лицеенда һәм 179-нчы мәктәбендә “Ел укытучысы” номинациясе.

Бүген, 13 мартта, укытучылар дәресләр бирәләр, ә 14 һәм 15 мартта икенче очный тур “Оста укытучы” үтә – бирелгән темага индивидуаль чыгышлар белән дискуссия һәм 5 конкурсанттан торган төркемнәрдә фикер алышу. Сынаулар нәтиҗәләре буенча финалга чыккан 5 кеше ТР премьер-министры – ТР мәгариф һәм фән министры Рәфис Борһанов катнашында “Мәгариф сәясәтчеләренең түгәрәк өстәле” бәйгесендә катнашуларын дәвам итәчәкләр.

Җиңүчеләрне тантаналы рәвештә 16 мартта Идел буе дәүләт физик культура академиясендә концерт залында игълан итәчәкләр.

Шулай ук укыгыз

Барлык яңалыклар