И.Метшин: «Социаль инфраструктураның торак төзелешен куып җитүе түгел, параллель төзелүе мөһим»

И.Метшин: «Социаль инфраструктураның торак төзелешен куып җитүе түгел, параллель төзелүе мөһим»

<p> <img src="https://www.kzn.ru/upload/iblock/615/DEN_8605.jpg_870.jpg"><br> </p> <p> <span style="color: #3d3d3d;">(Казан шәһәре KZN.RU, 3-нче июль, Ксения Швецова). Август ахырында Казанның Совет районында төзелә торган «Мой ритм» торак комплексы территориясендә, Петр Полушкин һәм Җиңү проспекты арасында, 220 урынга исәпләнгән 187-нче «Киләчәк» балалар бакчасы барлыкка киләчәк. Мәктәпкәчә белем бирү учреждениесендә 12 төркем оештырылачак, шул исәптән алты ясле төркеме. Балалар бакчасы төзелеше барышы белән Казан Мэры Илсур Метшин танышып кайтты.</span> </p> <p> <span style="color: #3d3d3d;">«Безне демографик үсеш шатландыра, Казанда ул соңгы дистә елда даими рәвештә  арта бар. Әмма бу параллель рәвештә безгә билгеле бер җаваплылык өсти, - диде Мэр. - Ел саен ун балалар бакчасын проектлыйбыз һәм төзибез, бу ел да искәрмә булмады. Шул ук вакытта без балалар бакчаларын халык күпләп яшәгән, төзелә торган микрорайоннарда төзергә тырышабыз».</span> </p> <p> <span style="color: #3d3d3d;">«Демография» милли проекты буенча ике катлы балалар бакчасы гыйнвар ахырында төзелә башлады. Бүгенге көндә 3738,7 кв.м мәйданлы бинаны торгызу эшләре 90%-ка тәмамланган, дип сөйләде Мэрга «Нэо Строй» ҖЧҖ подряд оешмасы генераль директоры Ирек Гафуров. «Хәзер объектта 108 кеше эшли. Без 10-нчы июльдә төзелеш-монтаж эшләрен тәмамларга планлаштырабыз. Шуннан соң җиһазлар һәм мебельләр алып кайтачакбыз. Якынча 15-нче августта төзелеш турында нәтиҗә алырбыз дип өметләнәбез», - диде ул.</span> </p> <p> <span style="color: #3d3d3d;">Мэрга балалар бакчасы мөдире Гөлназ Йосыпова сөйләгәнчә, ата-аналар сабыйларын яңа мәктәпкәчә белем бирү учреждениесенә инде яздыра башлаган, булачак балалар төркемнәре формалаша. Әти-әниләр бигрәк тә кече яшьтәге төркемнәргә кызыксыну белдерә, дип билгеләде ул.</span> </p> <p> <span style="color: #3d3d3d;">«Без дә яшь әниләрдән аларга эшкә иртәрәк чыгу мөмкинлеге бирү турында күп мөрәҗәгатьләр алдык, - дип шәрехләде И.Метшин. - Монда алты ясле төркем төзү планлаштырыла, шуңа күрә микрорайонда яшәүчеләрнең балаларны иртәрәк балалар бакчасына бирү һәм актив эшкә кайту мөмкинлеге булачак».</span> </p> <p> <span style="color: #3d3d3d;">Мэр булачак балалар бакчасы бинасын карады, ул ике блоктан - «А» һәм «Б» корпусларыннан тора. Беренче катта ясле һәм йокы бүлмәләрен урнаштыру планлаштырыла. Һәр төркемнең үз чишенү бүлмәсе, буфет һәм бәдрәф бүлмәләре булачак. Шулай ук беренче катта азык-төлек блогы урнашачак, ул 15 бинадан, медицина кабинетыннан, процедура кабинетыннан, психолог кабинетыннан, логопед кабинетыннан һәм кер юу бүлмәсеннән тора.</span> </p> <p> <span style="color: #3d3d3d;">Икенче катта төркемле һәм йокы бүлмәләре, методик кабинет, физкультура, музыка дәресләре өчен зал, мөдир кабинеты һәм башка бүлмәләр урнашачак.</span> </p> <p> <span style="color: #3d3d3d;">«Без «Бәләкәч» программасы буенча беренче балалар бакчалары төзи башлагач, шундый матур фасад һәм интерьеры булган һәр учреждение безнең өчен хыял булды. Ә бүген бу безнең гадәти дәрәҗәбез, шәһәр балалар бакчалары өчен куелган югары стандарт», - диде И.Метшин.</span> </p> <p> <span style="color: #3d3d3d;">«Киләчәк» балалар бакчасы барлык кирәкле җайланмалар белән җиһазландырылачак, шул исәптән - иҗат белән шөгыльләнү өчен, дип өстәде шәһәр башлыгы. «Балаларның яхшы шартларда үсүе һәм бөтен юнәлешләр буенча үсеш алуы мөһим. Моның өчен бөтен кирәкле шартлар да бар», - диде ул.</span> </p> <p> <span style="color: #3d3d3d;">Балалар бакчасы төзелә торган торак комплексы 4 микрорайонны үз эченә ала, әлеге территориядә 44 күп фатирлы торак йорт төзү планлаштырыла. Мондый актив төзелә торган микрорайоннар өчен социаль объектлар төзүне алдан ук башларга кирәк, дип билгеләп үтте Мэр.</span> </p> <p> <span style="color: #3d3d3d;">«Социаль инфраструктура торак комплекслар төзелешен куып җитә алмый, ә параллель төзелә, - диде И.Метшин. - Бу торак комплекста фатирларның 85%-ы сатылган инде. Әмма анда кешеләр яши башланганчы, әлеге 220 урынга исәпләнгән балалар бакчасы тапшырылачак».</span> </p> <p> <span style="color: #3d3d3d;">Исегезгә төшерәбез, агымдагы елда Казанда 3 меңнән артык урынга 3 мәктәп һәм 9 балалар бакчасы </span><a href="http://www.kzn.ru/meriya/press-tsentr/novosti/v-2020-godu-v-kazani-postroyat-9-detsadov-i-3-shkoly-bolee-chem-na-3-tysyachi-mest/" target="_blank"><span style="color: #0d5baa;">төзиячәкләр</span></a><span style="color: #3d3d3d;">. Казанда соңгы 12 елда 16820 урынлык 118 яңа балалар бакчасы </span><a href="http://www.kzn.ru/meriya/press-tsentr/novosti/v-blizhayshie-dva-goda-v-kazani-planiruetsya-postroit-20-detsadov/" target="_blank"><span style="color: #0d5baa;">барлыкка килде</span></a><span style="color: #3d3d3d;">.</span> </p> <span style="color: #3d3d3d;">Күчмә киңәшмәдә Башкарма комитет җитәкчесенең беренче урынбасары Азат Нигъмәтҗанов, Совет районы хакимияте башлыгы Роман Фәтхетдинов, Мәгариф идарәсе җитәкчесе Ирек Ризванов һәм башкалар катнашты.</span>

2020-07-03T11:03:59+0300