1,5 меңнән артык казанлы "Сменада" китап фестивалендә булды

1,5 меңнән артык казанлы "Сменада" китап фестивалендә булды

<p> (Казан шәһәре KZN.RU, 11-нче декабрь). "Сменада" китап фестивалендә 1,5 меңнән артык казанлы булды. Заманча мәдәният үзәгенең 5 еллыгына багышланган чарада алар лекцияләр тыңладылар, китаплар сайладылар һәм хәтта пилотсыз таксида да йөреп карадылар.<br> </p> <p> 8 һәм 9 декабрьдә фестиваль кунаклары лекторлар белән бергә вакыт фәлсәфәсе, робот-язучылар, бер елдан китап базарында булачак үзгәрешләр һәм 20 елдан соң сәнгатьнең нинди булачагы турында фикер алыштылар. </p> <p> Биредә килүчеләр 10 меңнән артык китап арасыннан китап сайлап ала алдылар, алар арасында кышның соңгы яңалыклары да бар иде. </p> <p> Шулай ук китап сөючеләрнең Иннополиска экскурсиягә эләгү мөмкинлеге дә бар иде – бәйгедә җиңгән биш кеше шәһәрнең төп локацияләрендә булдылар һәм Россиядә беренчеләрдән булып пилотсыз таксида йөрделәр. </p> <p> Фестиваль кунаклары шулай ук "Табигать" яңа концепт-стор буенча экскурсиядә булдылар, анда үсемлекләрне үз интерьерыңы туры китереп сайларга һәм алар мөмкин кадәр озаграк сөендерсеннәр өчен.нәрсә эшләргә икәнен белделәр. </p> <p> Фестиваль тәмамлануга карамастан, "Сменада" яңа ел алды һәм яңа ел программасы дәвам итәчәк - 30 декабрьдән 10 гыйнварга кадәр биредә 50-гә якын чара – кино күрсәтү, лекцияләр, балалар мастер-класслары һәм башкалар узачак, дип хәбәр итә "Смена" заманча мәдәният үзәге матбугат хезмәте. </p>

2018-12-11T16:19:33+0300