30 ноябрьдә казанлылар икенчел чималны эшкәртүгә тапшыра алачаклар

Экологик акция шәһәрнең сәүдә үзәкләренең берсендә узачак.

(Казан шәһәре KZN.RU, 28-нче ноябрь). 30 ноябрьдә Казанда эшкәртү өчен икенчел чимал һәм кием җыю узачак. Казанлылар кирәкмәгән әйберләрне, макулатура һәм пластикны икенчел чималны кабул итү мобиль пунктына тапшыра ала. Экологик акция шәһәрнең сәүдә үзәкләренең берсендә үткәрелә.

Активистлар макулатура, «1» маркировкалы пластик шешәләр, «2», «4» маркировкалы флаконнар һәм канистрлар, «1» маркировкалы ПЭТ-биттән контейнерлар һәм башка эшләнмәләр, «5» маркировкалы пластиктан контейнерлар һәм башка эшләнмәләр, «1», «2», «4», «5», «6», «7» маркировкалы йомшак пластик (пакетлар һәм пленка), фольгалы йомшак пластик (90 маркировкалы, с/ldpe һ.б.), алюминий һәм калай банклар һәм башка металл эшләнмәләр, тетр-пак, дой-пак, компакт-дисклар, dvd-дисклардан бушаган тартмалар, cd-дисклардан бушаган тартмалар, пластик карталар кабул итәчәк.

Шулай ук казанлылар теш щеткалары, касса тасмаларыннан тышчалар, бер тапкыр кырынуга яраклы станоклар, полипропилен капчыклар, яхшы кием - салым, аяк киеме, сумкалар, ватылган пластик уенчыклар, курчаклар, вак эшли торган һәм эшкә яраксыз техника, шулай ук «Комп Ученый» проекты өчен компьютерлар, ноутбуклар һәм аларны комплектлау әйберләре, аудио- һәм видеокассеталар, чәчәкләр өчен пластик чүлмәкләр, «Тылсымлы капкачлар» акциясе өчен капкачлар, «Кот и пес» приюты өчен мәче бәдрәфенә махсус сеңдергечләр, савытлар, этлэр һәм мәчеләр өчен әзер терлек азыгын тапшырыра алачак.

Мобиль пунктка катыргы күкәй савытлары, кабат куллануга пыяла банкалар, «Велоигелек» проекты өчен ватылган велосипедлар, йон, тукыма, кулчатырлар, экосумкалар тегү өчен пәрдәләр һәм джинсалар, брошюратор өчен пружиналар, орхидия тоттыру җайланмалары, хайваннар приюты өчен юрган һәм матрацлар, китаплар кабул итү туктатылган.

Акциягә кушылырга теләүчеләрне икенчел чималны әзерләү буенча инструкцияне игътибар белән өйрәнергә, шулай ук эшкәртүгә нәрсә тапшырырга мөмкин ә нәрсәләрне ярамый икәнлеген алдан карарга чакыралар.

Акция 10.00 сәгатьтән 11.00 сәгатькә кадәр түбәндәге адрес буенча узачак: Фатыйх Әмирхан проспекты, 3, дип хәбәр итә оештыручылар.

Шулай ук укыгыз

Барлык яңалыклар