Р.Гафаров законсыз объектларны сүтү турында: «Бушап калган урыннарда без яшелләндерелгән яңа киңлекләр булдырабыз»

Р.Гафаров законсыз объектларны сүтү турында: «Бушап калган урыннарда без яшелләндерелгән яңа киңлекләр булдырабыз»

<div class="detail-picture"> <img src="https://kzn.ru/upload/iblock/729/7296e885a6bf1d32002d59e23830ed64.jpg"> <p class="detail-picture__caption"> Денис Гордийко фотосы<br> </p> </div> <p> Узган елны Казанның Совет районында законсыз 31 сәүдә объекты, легаль булмаган 223 корылма һәм гараж сүтелгән, шулай ук санкцияләнмәгән 68 чүплек юк ителгән. Аппарат киңәшмәсендә әлеге эшнең нәтиҗәлелеге турында район администрациясе башлыгы Роман Фәтхетдинов сөйләде. </p> <p> Казан Башкарма комитеты җитәкчесе Рөстәм Гафаров район администрацияләренең тырышлыгын югары бәяләп, участокларны законсыз корылмалардан азат итү шәһәр мохитенең сыйфатына турыдан-туры йогынты ясый, дип ассызыклады. </p> <p> «Бу сүтәргә кирәк булганнан гына сүтү түгел – бу тәртип урнаштыру алымы. Бушап калган урыннарда без яшелләндерелгән яңа киңлекләр булдырабыз. Әлеге мәсьәләләрне хәл итү бик зур көч һәм халыкның башка ихтыяҗын канәгатьләндерүгә юнәлдереп булырлык чаралар таләп итә. Мондый четерекле мәсьәләләрне хәл итүчеләргә рәхмәт әйтәсем килә», - диде Рөстәм Гафаров. </p> <p> Әйтик, сүтелгән 223 гараж һәм законсыз корылмалар урынында машина кую урыннары һәм балалар мәйданчыклары барлыкка киләчәк. </p> <p> Роман Фәтхетдинов билгеләп үткәнчә, территорияләр комплекслы чистартыла. Беренчедән, шәһәр шау-шудан һәм законсыз корылмалардан азат ителә. Икенчедән, тулы чаралар күрелү ярдәмендә башкалада легаль булмаган сәүдәнең кабат барлыкка килүе туктатыла. </p> <p> «Чиста, тәртипкә китерелгән урамнар – шәһәр халкына һәм башкалага карата хөрмәт билгесе», - дип сүзен йомгаклады Роман Фәтхетдинов. </p>

2026-03-16T11:51:28+0300