Казан үзәге базасында МХО ветераннары өчен Татарстанда беренче һөнәри юнәлеш кабинеты ачылды

Кадрлар консультантлары инвалидлыгы белән махсус операциядә катнашучы 25 кеше белән эш алып бардылар

Июньдә Казан инвалидларны тернәкләндерү үзәге базасында Татарстанда беренче һөнәри юнәлеш кабинеты ачылды. Аны «Россия эше» республика кадрлар үзәге оештырды. Мәшгульлек хезмәтенең кадрлар консультантлары ярдәмендә 25 ветеран адаптация һәм профориентация үтте инде. Бу хакта эшлекле дүшәмбедә «ТР халыкны эш белән тәэмин итү үзәге» ДКУ директоры Тимур Муллин хәбәр итте.

Ел башыннан халыкны эш белән тәэмин итү үзәкләренә эшкә урнаштыру мәсьәләләре буенча махсус операциядә катнашучы 19 кеше мөрәҗәгать итте, шул исәптән аларның гаилә әгъзалары да. Хезмәткәрләр мөрәҗәгать иткән 12 гражданны эшкә урнаштыруда ярдәм иткәннәр. Тагын ике граждан «Кадрлар» милли проекты кысаларында яңадан укыту уза, ә дүртесе якын арада керешәчәк. Мөрәҗәгать итүчеләрнең берсе ветеран кабат хәрби хезмәткә контракт төзегән.

Төрле нозологияләр буенча инвалидлыгы булган МХО ветераннарын В һәм С категориясендәге транспорт чаралары йөртүчеләргә өйрәтү программасы буенча белем алырга мөмкин. Барлыгы 50 ветеранны өйрәтү планлаштырылган, дип йомгаклады Тимур Муллин.