Казан Мэры: «Бөтен зыян нәтиҗәләре бетерелергә тиеш»

Шәһәр башлыгы киләчәктә йортларга капиталь ремонт ясаган вакытта җитди өзеклекләр тудырган подрядчылар белән эшләмәскә чакырды.

Фото: Казан шәһәре KZN.RU

(Казан шәһәре KZN.RU, 13-нче декабрь, Ксения Швецова). Бүген Казан Башкарма комитетта узган эшлекле дүшәмбедә агымдагы елда торак фондка капиталь ремонт ясауга нәтиҗә ясалды. Барлык эшләр дә төгәлләнде диярлек, әмма кайбер подрядчылар халыкның милкенә һәм йортның гомуми милкенә зыян салды. Казан Мэры Илсур Метшин нәтиҗәләрне бетерү эшен контрольдә тотарга, шулай ук халык кисәтүләренә һәм мөрәҗәгатьләренә оператив рәвештә җавап бирергә чакырды.

«Подрядчылар йөкләмәләрне үтәргә һәм зыян салган очракта барысын да торгызырга тиеш. Эштә төрле хәлләр була: мәсәлән, түбә япкан вакытта яңгыр килеп явып китте ди. Берни дә эшләп булмаган очраклар сирәк кенә очрый. Әмма барлык зыян аркасында барлыкка нәтиҗәләр бетерелергә тиеш, эш нәтиҗәләрен гарантияле йөкләмәләр кысаларында тикшерергә кирәк», – дип ассызыклады шәһәр башлыгы.

Халыкның милкенә яки йортның гомуми милкенә зыян китергән подрядчы оешмалар хәзер биредә яшәүчеләр һәм идарәче оешмалар белән компенсация суммасын килештерә. «Без бу ситуацияне игътибар белән күзәтәбез, эш барышын бәялибез, даими рәвештә тикшереп торабыз», – дип ышандырды Торак-коммуналь хуҗалык комитеты рәисе Дмитрий Анисимов.

Моннан тыш, төзелеш материаллары кыйммәтләнү фонында кайбер подрядчы оешмалар эш срокларын өзүгә юл куйган – күзәтчелек органнары аларга күрсәтмәләр биргән һәм штрафлар салган.

Киләчәктә подряд оешмаларын сайлаганда, агымдагы ел тәҗрибәсен исәпкә алырга кирәк, дип билгеләде Мэр: «Программаны үти алмаучылар белән киләсе елда эшләргә кирәк түгел».

Исегезгә төшерәбез, быел Казанда 293 күпфатирлы йортка капиталь ремонт ясалды. Башкарылган эшләр күләме 98%-тан артып китә, калган йортлар буенча ачыкланган кисәтүләр бетерелә.