Казан «Җиңү утын саклыйбыз» бөтенроссия акциясенә кушылачак

Мәңгелек ут Урицкий исемендәге парктагы мемориалда яндырылачак

Казанда 6 майда Урицкий исемендәге паркта Бөек Ватан сугышы елларында илне саклаган халыкка мемориаль корылмада Мәңгелек ут кабызачаклар. Тантаналы чара барлык федераль округларда шәһәр һәм авылларда узачак. Бу эстафетага старт Новгород өлкәсендә ватанны саклаучылар көнендә бирелде.

Шулай ук Татарстан башкаласы Бөек Җиңүнең 80 еллык юбилее алдыннан «Җиңү утын саклыйбыз» акциясенә кушылачак. Тантаналы чара вакытында бөтен ил буйлап бер үк вакытта яңа һәм реконструкцияләнгән мемориаль комплексларда Мәңгелек 80 ут кабызылачак. Тантанада Бөек Ватан сугышы ветераннары, СВО сугышчылары, яшь армиячеләр, федераль һәм төбәк хакимият органнары җитәкчеләре, иҗтимагый оешмалар һәм ММЧ вәкилләре катнашачак.

Ветераннар һәм рәсми кунаклар чыгышлары, Бөек Җиңү хөрмәтенә бәйрәм концертлары планлаштырылган. Масштаблы чара Россиянең популяр алып баручыларының берсе уздырачак. Шулай ук танылган иҗат коллективларының һәм башкаручыларның чыгышлары планлаштырылган.

«Җиңү утын саклыйбыз» һәм «Җиңү эстафетасы» акцияләрен оештыручы – «Газпром межрегионгаз» ҖЧҖ.

Шулай ук укыгыз

Барлык яңалыклар