В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Шәһәр паркларында һәм скверларында, шулай ук мәдәният йортларында 13-14 нче гыйнварда халык өчен чаралар узачак.
Фото: Денис Гордийко
Совет районы паркларында 13 нче гыйнварда бәйрәм чаралары планлаштырылган. 18:00 сәгатьтә алар 3 мәйданчыкта булачак: Дәрвишләрдәге Мир урамындагы скверның чыршы шәһәрчегендә, «Казан» халыкара ат-спорт комплексы сәхнәсендә һәм ТР төзелеш тармагының 100 еллыгы скверы чыршы шәһәрчегендә. Тулырак программа «Добрый Советский» Telegram-каналында урнаштырылган.
13-14 нче гыйнварда Киров һәм Мәскәү районнары паркларында һәм мәдәният йортларында бәйрәм концертлары узачак. Чараларның тулырак афишасы – Казан Башкарма комитетының Мәдәният идарәсенең Telegram-каналында.
Яшь казанлылар һәм аларның әти-әниләре өчен 13 нче гыйнварда 18:00 сәгатьтә «Крылья Советов» паркында аниматорлар белән концерт программасы оештырылачак. 14 нче гыйнварда 16:00 сәгатьтә шул ук урында барлык теләүчеләр өчен конкурслар һәм уеннар узачак.
13 нче гыйнварда 19:00 дән 21:00 гә кадәр Казан Кремленең Гавами урыннары ишегалдында концерт була. Шәһәрлеләр Fauzia, Tamara NOVA һәм JIVE джаз төркеменең җырларын тыңлый алачак. Керү ирекле. Нәниләребез өчен «Кыш Бабай төше» спектакле күрсәтеләчәк. Тамашалар 13 нче һәм 14 нче гыйнварда 16:00 һәм 18:00 сәгатьтә башлана, дип хәбәр итә оештыручылар.
14 нче гыйнварда Пушкин исемендәге мәдәни үзәктә изге күңел ачу чаралары узачак. Халык күргәзмә-ярминкә, мастер-класслар, вертеплы тамаша, бәйрәм концерты һәм яшьләр кичәсен карый алачак. Катнашу бушлай, ләкин алдан теркәлергә кирәк. Сылтама буенча чараның афишасы да бар.
14 нче гыйнварда Казанның «Черек күл» паркында шугалакта берничә фильм күрсәтеләчәк. Киномарафон 10:00 сәгатьтән 22:00 сәгатькә кадәр дәвам итәчәк. Халык «Один дома», «Девчата», «Серебряные коньки» һәм «Тайны Коко» мультфильмын карый алачак.