Илсур Метшин Подлужная урамындагы Мәгариф хезмәткәрләре йортында төзелеш эшләре барышы белән танышты

Илсур Метшин Подлужная урамындагы Мәгариф хезмәткәрләре йортында төзелеш эшләре барышы белән танышты

<div class="callout callout-blue"> <p> Подлужная урамында Мәгариф хезмәткәрләре йорты буларак ачылачак бинаны төзекләндерү эшләре ахырына якынлаша. Объектның әзерлеге 75 процент тирәсе: хәзерге вакытта төп төзелеш эшләре тәмамланган, белгечләр бинаның эчке бизәлеше белән шөгыльләнә. Җәй башында учреждение беренче кунакларны кабул итәчәк. Янәшәдәге скверны төзекләндерү дә финиш сызыгына җитеп килә. Объекттагы эшләрнең барышын Казан мэры Илсур Метшин тикшереп кайтты. </p> </div> <img src="https://kzn.ru/upload/iblock/242/2428cfd1c9448acb8d2fb5773d4b9c70.jpg"> <div class="detail-picture"> <p class="detail-picture__caption"> Марат Мөгыйнов фотосы </p> </div> Казандагы Мәгариф хезмәткәрләре йорты шәһәр мэры Илсур Метшин карары белән төзелә. Подлужная урамындагы буш бинада төзекләндерү эшләре 2024 елның сентябрендә башланды. Бу вакыт эчендә төзүчеләр фундаментны һәм субайларны көчәйткән, диварларны торгызган, яңа инженерлык челтәрләре сузган, керү төркемен һәм янәшәдәге скверны төзекләндергән. Бина шәһәрнең тарихи үзәгендә булганлыктан, ул борынгы бина буларак күренсен өчен тыштан кызыл кирпеч белән тышланган. Эчке интерьерлар әлеге линияне дәвам итә: дизайнерлар, киңлекнең тышкы тиңдәшлеген ассызыклау өчен, бина эчендәге кирпечләрне дә саклап калган. <p> Бинаның мәйданы 950 квадрат метр тирәсе. Биредә киңәшмәләр залы, үзгәртелә торган актлар залы, иҗади лабораторияләр, студияләр һәм коворкинг-зоналар каралган. Объектны заманча мультимедиа җиһазлары: интерактив панельләр, LED-экраннар һәм видеоэлемтә системалары белән җиһазландырачаклар. </p> <p> <img src="https://kzn.ru/upload/iblock/2d3/2d314c0784634203ac457d36f772e462.jpg"> </p> <p> Казан Мәгариф идарәсе җитәкчесе Ирек Ризванов Илсур Метшинга Мәгариф хезмәткәрләре йортының эше дүрт төп юнәлеш буенча төзеләчәге турында хәбәр итте: биредә Лидерлык үзәге, Яшь педагогларга ярдәм итү үзәге, Педагогика өлкәсендә тикшеренүләр үзәге, Кадрлар үзәге эшләячәк. </p> <p> Шулай итеп, Лидерлык үзәге белем бирү оешмаларының яшь җитәкчеләре өчен мәйданчык булачак. Яшь педагогларга ярдәм итү үзәгенең төп бурычы – әлеге юнәлештә белем алучы студентлар һәм өлкән сыйныф укучылары өчен укытучы һөнәрен абруйлы итү. Әлеге максатка ирешү өчен кайбер махсус проектларны гамәлгә ашырудан тыш, Мәгариф хезмәткәрләре йорты базасында Яшь укытучылар ассоциациясенең «штаб-фатиры» оештырылачак, ул бүген ике меңнән артык әгъзаны берләштерә. </p> <p> <img src="https://kzn.ru/upload/iblock/2a0/2a04c045dc866a5220154f0ec1edc48a.jpg"> </p> <p> Педагогика өлкәсендә тикшеренүләр үзәгенә заманча белем бирү технологияләрен кертү бурычы йөкләнгән. Кадрлар үзәге Казанның педагогик кадрларын җәлеп итү, аларга ярдәм итү һәм үстерүнең заманча системасын формалаштыру белән шөгыльләнәчәк. </p> <p> «Казан мәгарифе Россиядә югары бәяләнә, һәм укучыларыбызның төрле дәрәҗәдәге олимпиадаларда җиңүләре моны раслый. Казан мәктәпләрендә, балалар бакчаларында һәм өстәмә белем бирү учреждениеләрендә 17 меңнән артык педагог эшли, һәм без аларга лаеклы шартлар тудырырга телибез. Йорт укытучыларның штаб-фатиры, укыту, тәҗрибә уртаклашу һәм дискуссияләр урыны, шулай ук педагогларның ял итү һәм шәхси аралашу мәйданчыгы булачак. Россиядә мондый үзәкләр күп түгел, ил күләмендә мәгариф хезмәткәрләре өчен уникаль мәйданчык булдырабыз дип горурланып әйтә алабыз», - дип билгеләде Казан мэры Илсур Метшин. </p> <p> <img src="https://kzn.ru/upload/iblock/ea7/ea7b8bd3880a826859f543572908ee89.jpg"> </p> <p> Хәзер объектта эчке эшләр башкарыла, вентиляция, кондиционер һәм куркынычсызлык системалары монтажлана. Эшләрне май аенда тәмамларга ниятлиләр. </p> <p> Мәгариф хезмәткәрләре йорты янында сквер барлыкка киләчәк, ул җәяүлеләр маршруты белән Подлужная урамын һәм Кремль яр буен тоташтырачак. Аны төзекләндерү эше ахырына якынлашып килә. Территориясе берничә тематик зонага бүленгән. Вакыйгалар мәйданчыгында массакүләм чаралар өчен амфитеатр ясалачак. Ачык һавада күргәзмәләр уздыру өчен аерым мәйданчык булдыру күздә тотыла. Уңайлылык максатыннан скверда кәнәфиләр, өстәлләр һәм аланда ял итү өчен шезлонглар урнаштырачаклар. Кичен яктырту чараларына аерым игътибар бирелгән: 70 урам фонаре һәм 300 метр декоратив гирлянда куелган. </p> <p> <img src="https://kzn.ru/upload/iblock/cae/cae503a0570de2f920278b5b3a91e729.jpg"> </p> <p> Скверның ландшафт дизайны яр буе зонасының табигый күренешен тулыландыра. Биредә юкә, каен, сәрви, тал, миләш, шомырт һәм алмагачлар, шулай ук күпьеллык үсемлекләр – дерен, спирея, шалфей һәм башка культуралар утыртылган, алар шәһәр халкын сезон дәвамында сөендерәчәк. </p> <p> Исегезгә төшерәбез, Казан мәктәпләрендә, балалар бакчаларында һәм өстәмә белем бирү учреждениеләрендә 17 меңнән артык педагог эшли. Узган ел мәгариф өлкәсенә тагын 1,2 мең кеше килгән. Яшь педагоглар өлеше 30% ны тәшкил итә, бу гомумроссия күрсәткеченнән (24%) артып китә. </p> <p> <img src="https://kzn.ru/upload/iblock/dbb/dbb65eac6e8b1d42b1d809042f055c59.jpg"> </p> <p> Хәзер мәгариф хезмәткәрләре Бауман урамы, 62/9 адресы буенча урнашкан йортның икенче катында җыела. Соңгы өч елда мәйданчыкның популярлыгы шактый үсте: педагоглар арасында чаралар саны елына 30 дан 147 гә кадәр артты, ә аудитория 6,3 мең кешегә җитте. Педагогларның мөмкинлекләрен киңәйтү өчен, Казан мэры карары белән Подлужная урамында иркенрәк бина бүлеп бирелде, Мәгариф хезмәткәрләре йорты нәкъ менә шунда төзелә дә инде. </p> <p> Эшлекле сәфәрдә шулай ук Казан Башкарма комитеты җитәкчесе Рөстәм Гафаров, Вахитов һәм Идел буе районнары администрациясе башлыгы Альберт Салихов һәм «Казан шәһәренең социаль өлкә учреждениеләрен карап тоту һәм аларга хезмәт күрсәтү департаменты» муниципаль бюджет учреждениесе директоры Илья Коротихин, Капиталь төзелеш һәм реконструкция идарәсе башлыгы Марат Сәмигулин, шулай ук подрядчы оешма вәкилләре катнашты. </p>

2026-03-31T11:15:00+0300