В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
11.11.2022, 14:02
Мобилизацияләнгән казанлыларның балалары мәдәният учреждениеләренә «Батыр» картасы буенча 564 билет алган
Балалар «Тарихи мохит»тән шәһәр буенча экскурсияләргә дә бушлай йөри алалар.
Фото: Денис Гордийко
Ташлама 45 дәүләт, муниципаль һәм шәхси мәдәният учреждениеләренә кагыла. Аларның исемлеге әкренләп тулыландырыла. Күптән түгел «Тарихи мохит» учреждениесе дә мобилизацияләнүчеләргә ярдәмгә кушылды. Хәзер балалар Иске Татар бистәсе буенча «Татар халкының мәдәни мирасы һәм кыйммәте» һәм «Мөселман Казаны», Бауман урамы буенча «Казан Арбаты», шулай ук университет шәһәрчеге һәм Кремль урамы буенча уздырыла торган экскурсияләрдә бушлай катнаша ала.
Хәйрия эшенә Болактагы Яшьләр театры, «Сәнгать дөньясы» халыкара антиквариат институты, «Шәһәр панорамасы» музее, Казан иконасы музее кебек шәхси мәдәният учреждениеләре дә актив җәлеп ителә.
Исегезгә төшерәбез, Казанда мобилизацияләнүчеләрнең гаиләләренә ярдәм итү буенча шәһәр чаралары гамәлдә: җәмәгать транспортында бушлай йөрү, мәктәпләрдә ике тапкыр кайнар ризык ашау, балалар бакчаларына бару һәм аларда туклану. Шулай ук «Батыр» карталары буенча балалар спорт объектларында бушлай шөгыльләнә һәм мәдәният учреждениеләренә йөри ала. Ярдәм чаралары турында тулырак мәгълүматны сылтама аша белергә мөмкин.Шулай ук укыгыз
-
31.07.2025, 09:48 -
28.07.2025, 17:30 -
25.07.2025, 16:19 -
25.07.2025, 09:57