Татарстанга салкыннар әйләнеп кайта

Татарстанга салкыннар әйләнеп кайта

<p> Иртәгә төнлә Татарстанда урыны белән бераз кар явачак. Республиканың кайбер районнарында томан булуы ихтимал. Төнлә һәм иртән температура -2..-7 градус булачак, көндез 0..-4 градуска кадәр җылына. Юлларда бозлавык хасил була. </p> <p> Казанда алдагы тәүлектә карлы болытлы һава көтелә. Җил көньяк-көнчыгыштан, тизлеге секундына 6-11 метрга кадәр. Термометр баганалары төнлә -2 дән -4 кә кадәр, ә көндез 0..-2 градус күрсәтәчәк. Шәһәрлеләрне юлларда бозлавык турында кисәтәләр. </p> <p> Чәршәмбе көнне, 5 февральдә, Татарстанда атмосфера басымы арту белән явым-төшемнәр акрынлап тукталачак, ә температура төшүен дәвам итәчәк. Төнлә һәм иртән 4-9 градус салкын, ә көндез 0..-5 градус булыр, дип көтелә. </p> <p> Пәнҗешәмбе һәм җомга көннәрендә республикада явым-төшем көтелми. Төнлә һәм иртән -11..-16 градуска кадәр, 7 февральдә – -14..-19 градуска кадәр суытачак. Көндез -4..-9 градуска кадәр җылыта. </p> <p> ТР Гидрометеорология үзәге фаразлавынча, шимбә көнне явым-төшемсез салкын һава сакланачак. Төнлә һаваның минималь температурасы -14..-19 градус тәшкил итәчәк, көндез -4 тән -9 градуска кадәр салкын булыр, дип көтелә. </p>

2025-02-03T16:32:34+0300