Казанда җәйге чорга 15 метр трамвай юлы яңартылган, 183 шпал алыштырылган

«Метроэлектротранс» МУП сезонлы ремонт эшләре башкара

«Метроэлектротранс» МУП бригадалары апрельнең соңгы ике атнасында 15 метр трамвай юлын алыштырдылар һәм 27 рельс тоташкан урынны, 298 электр тоташтыргычны эретеп ябыштырдылар, 170 пар температура компенсаторларына сезонлы техник хезмәт күрсәтү уздырдылар.

Моннан тыш, бригадалар 183 яраксыз шпалны алыштырганнар. Трамвайларның йөрешен яхшырту өчен хезмәткәрләр 625 метр юлны тыгызлаганнар. Җәйге чорга юлларны тоташ комиссион тикшерү дәвам итә.

Предприятие балансында барлыгы 132 чакрым трамвай юлы бар, шуның 70 чакрымы бик нык тузган.

Элегрәк хәбәр ителгәнчә, Казанның «Метроэлектротранс» МУП коллективын РФ транспорт министрының «Транспорт ведомствосының һәм транспорт белеменең 215 еллыгы уңаеннан» истәлекле билгесе белән бүләкләгәннәр.

Шулай ук укыгыз

Барлык яңалыклар