2024 елга ишегалларын төзекләндерү программасы турында Казанның Киров һәм Мәскәү районнарында яшәүчеләр белән фикер алышачаклар

Халык экспертларга сораулар бирә һәм эш планнарына үз тәкъдимнәрен кертә алачак

Фото: Денис Гордийко

(Казан шәһәре KZN.RU, 12 нче октябрь). Казанда шәһәр халкы белән очрашулар дәвам итә, аларда 2024 елга «Безнең ишегалды» программасына кергән территорияләрне төзекләндерү турында фикер алышалар. 12-24 нче октябрьдә җыелышлар Киров һәм Мәскәү районнары йортлары ишегалларында узачак.

Экспертлар шәһәр халкын эшләрнең беренчел схемасы белән таныштыра, халык теләсә, аңа үз төзәтмәләрен кертә ала. Архитекторлар шулай ук мәҗбүри эш төрләре һәм аларны гамәлгә ашыру вакыты турында сөйләячәкләр, дип хәбәр иттеләр «Безнең ишегалды» проекты командасында.

Бу атнада очрашу 12 нче октябрьдә 18:00 сәгатьтә Гудованцев урамындагы 5 нче һәм 9 нчы йортлар ишегалдында узачак. Киләсе җыелышларны үткәрү графигы белән сылтама буенча танышырга мөмкин.

Исегезгә төшерәбез, оештыручылар халык белән очрашу алдыннан аларга күршеләре белән алдан территорияне әйләнеп чыгарга һәм барлык җитешсезлекләрне, мәсәлән, яктырту проблемаларын, юлларның, тротуарларның, парковкаларның уңайсыз оештырылуын һәм башкаларны билгеләргә тәкъдим итәләр. Күршеләр белән дә мөмкин булган карарлар турында алдан сөйләшергә кирәк.

Ишегалды планы, халыкның 2/3 өлеше ризалашса, эшкә алыначак. Анда шәһәрлеләр белән узган очрашулардан соң да, эш башланганчы, тәкъдимнәр кертергә мөмкин. Аларны «Безнең ишегалды» проектының социаль челтәрләрендә шәхси хәбәрләр аша җибәрергә, идарәче оешмага яки кайнар линиягә шалтыратырга мөмкин: +7(800)275-20-20.

Киләсе елда төзекләндерү өчен топ-200 ишегалды халык тавыш бирү нәтиҗәләре буенча билгеләнде.

Шулай ук укыгыз

Барлык яңалыклар