Казанлыларга 2023 елда төзекләндереләчәк ишегалларында яшәүчеләр белән уза торган очрашулар турында сөйләячәкләр

Туры эфир вакытында тыңлаучылар «Безнең ишегалды» программасы кураторына сораулар бирә алачак.

Фото: Денис Гордийко

(Казан шәһәре KZN.RU, 29 нчы сентябрь). 30 нчы сентябрьдә «Безнең ишегалды» республика программасы кураторы Арина Петрова туры эфир үткәрәчәк һәм 2023 елда төзекләндереләчәк ишегалдында яшәүчеләр белән уза торган очрашулар турында сөйләячәк.

Трансляция вакытында республикада яшәүчеләр очрашуларны нәрсә өчен үткәрелүен, җыелышларны кем үткәрүен һәм яшәүчеләрнең теләкләрен кем теркәвен, шулай ук төзекләндерүнең әзер схемаларын кайчан күрергә мөмкин булуын беләчәкләр, дип хәбәр ителә «Безнең ишегалды» программасының Telegram-каналында. Моннан тыш, теләүчеләр кураторга туры эфирның комментарияләрендә үзләрен кызыксындырган сорауларны бирә алачаклар.

Трансляция программаның Telegram-каналында 14:00 сәгатьтә башлана.

Исегезгә төшерәбез, «Безнең ишегалды» программасы Татарстан Президенты Рөстәм Миңнеханов карары буенча 2020 елда старт алды. Узган ике елда Казанда асфальт-бетон өслекле, мәйданы 1,5 млн кв. метр булган 890 йорт ишегалды төзекләндерелгән. Уңайлыклар 200 мең яшәүчене колачлады.

Ишегалдын төзекләндерү мәсьәләләре буенча тәүлек буе эшли торган +7(800)275-20-20 кайнар линия телефоны аша мөрәҗәгать итәргә була. Сораулар шулай ук Telegram-ботта кабул ителә.

Шулай ук укыгыз

Барлык яңалыклар