Баш бит

Капиталь ремонт

Порталның «Капиталь ремонт» проекты бүлегендә шәһәрлеләр 2024 елда капиталь төзекләндерү узарга тиешле йортлар, мәктәпләр, балалар бакчалары һәм яшүсмерләр клублары исемлеге белән таныша ала. Биредә объектларның адреслары белән карта, яңалыклар, капиталь төзекләндерү программаларында катнаша торган объектларның адреслы исемлеге һәм башка материаллар урнашкан.

Проект турында

«Капиталь төзекләндерүгә комплекслы якын килү ярдәмендә яңа Казан барлыкка килә»

Илсур Метшин

Казан Мэры

Татарстан Республикасында торак фондны адреслы капиталь төзекләндерү программасы 2008 елдан бирле тормышка ашырыла. Бу чорда Казанда 3,8 мең йортка капиталь ремонт ясалган, аларда 880,51 меңнән артык кеше яши. 2022 елда 158 күпфатирлы йортта төзекләндерү эшләре башкарылды. 2023 елда шәһәрнең 207 күпфатирлы йортына капиталь ремонт ясалды. 2024 елның программасына 180 күпфатирлы йорт кертелгән.

Моннан тыш, Татарстан башкаласында мәгариф учреждениеләренә (мәктәпләргә һәм балалар бакчаларына), яшүсмерләр клубларына, балаларны сәламәтләндерү лагерьларына, ишегалларына һәм юлларга капиталь төзекләндерү үткәрелә, шул исәптән «Имин сыйфатлы юллар» милли проекты буенча программалар гамәлгә ашырыла.

2012 елдан бирле Татарстан башкаласында 106 мәктәп төзекләндерелде, моннан тыш, соңгы 5 елда 49 мәктәпкәчә белем бирү учреждениесенә капиталь ремонт ясалган. 2024 елга капиталь ремонт программасына 6 мәгариф учреждениесе кертелгән. Бу максатларга 836 млн сумнан артык акча биреләчәк. Капиталь ремонттан соң «Яшь гвардия» спорт-сәламәтләндерү лагере ачылды, һәм хәзерге вакытта «Вертолет» яшьләр үзәге төзекләндерүе тәмамланып килә. Быел Дәрвишләр бистәсендә «Без» яшүсмерләр клубы барлыкка киләчәк, ә Җиңү проспектында «Доверие» психологик-педагогик ярдәм үзәге филиалы ачылачак. Соңгы 15 елда Казанда 53 яшүсмерләр клубы, 16 психологик ярдәм бүлеге рәткә китерелде, шулай ук 4 шәһәр яны сәламәтләндерү лагерен, А.Гайдар исемендәге яшьләр үзәген һәм «Дуслык» үзәген тергезделәр. Китапханәләрне яңарту дәвам итә.

Шулай ук Казанда юлларны норматив хәлгә китерүгә дә игътибар бирелә. Татарстан башкаласы Россия шәһәрләре арасында урам-юл челтәре торышы һәм үсеше буенча лидер дип танылды.

2024 елда юллар челтәрен үстерү һәм төзәтү өчен 16,3 млрд сум күләмендә акча каралган.

Беренче чиратта Казанда «Имин сыйфатлы юллар» милли проекты гамәлгә ашырылуы дәвам итә. Моның өчен 1,56 млрд сум күләмендә акча каралган. Шулай ук 6,1 млрд сум — БРИКС саммиты һәм Уеннары маршрутларын әзерләүгә; 2,3 млрд сум — квартал эчендәге юлларны ремонтлауга, юл хәрәкәте куркынычсызлыгын арттыру чараларына, светофорлар, тышкы яктырту челтәрләре урнаштыруга, юлларны билгеләүгә, бакчачылык ширкәтләренә керү юлларын тергезергә, чокырларга ремонт ясауга; 2,6 млрд сум — юл объектларын төзүгә һәм тергезергә; 3,75 млрд сум «Безнең ишегалды» программасын гамәлгә ашыруга юнәлтелгән.

Бакчачылык ширкәтләренә керү юлларын төзү буенча эшләрне гамәлгә ашыруда алты ел эчендә 26 бакчачылык мәйданына барлыгы 22 км озынлыктагы 17 керү юлы оештырылган.

Шулай ук 2024 елда «Безнең ишегалды» программасы дәвам итәчәк. 2023 елда Казанда «Безнең ишегалды» программасы буенча 473 йорт территорияләре төзекләндерелде. Яңартылган юлларның гомуми мәйданы 530 мең кв.м тәшкил итте. Ишегалларында баганалы 3,2 мең яктылык диодлы яктырткыч, 4,7 мең кече архитектура җиһазлары урнаштырганнар һәм 5 мең машина кую урыны булдырганнар. 2024 елда шәһәрдә 253 йорт яны территориясе төзекләндереләчәк. ТР башкаласында эшләүгә 3 млрд 750 млн сум акча бүлеп бирелгән.

Гомумән алганда, дүрт ел эчендә «Безнең ишегалды» программасы буенча Казанда 1829 күпфатирлы йорт ишегаллары төзекләндерелде. Бу яңартуга мохтаҗ территорияләр санының 52 процентын тәшкил итә. Ишегалларында 2,5 млн кв.м мәйданлы асфальт-бетон җир рәткә китерелгән, 20 мең өстәмә машина урыны җиһазландырылган. Программаны гамәлгә ашыруга 10,3 млрд сумнан артык акча юнәлтелгән.

Яңалыклар

Барлык яңалыклар

Медиа

Фото

Видео

Барлык фотолар

Барлык видео

Сораулар һәм җаваплар

Күпфатирлы йортларны капиталь төзекләндерү программаларын формалаштыру процессы нинди норматив-хокукый актлар белән тәртипкә салына?
Киңәйтергә Свернуть

1. Россия Федерациясе Торак кодексы - IX бүлек.

2. Татарстан Республикасының 2013 елның 25-нче июненнән чыккан 52-ТРЗ номерлы «Татарстан Республикасының күпфатирлы йортларындагы гомуми милеккә капиталь төзекләндерү ясауны оештыру турында»гы Законы

3. Татарстан Республикасы Министрлар Кабинетының 2013 елның 31-нче декабреннән чыккан 1146-нчы номерлы «Татарстан Республикасы территориясендә урнашкан күпфатирлы йортларда гомуми милекне капиталь төзекләндерү буенча төбәк программасын раслау турында»гы карары, Татарстан Республикасы Хөкүмәте сайтында http://prav.tatarstan.ru (1230-нчы номерлы, 2018 елның 25-нче декабре редакциясендә).

4. Татарстан Республикасы Министрлар Кабинетының 2016 елның 8-нче октябреннән чыккан 729-нчы номерлы «Татарстан Республикасы Министрлар Кабинетының 2013 елның 31-нче декабреннән чыккан 1146-нчы номерлы карары белән расланган Татарстан Республикасы территориясендә урнашкан күпфатирлы йортларда гомуми йорт милкен капиталь төзекләндерү буенча төбәк программасын Казан шәһәре территориясендә 2017-2019 елларда гамәлгә ашыруның кыска вакытлы планын раслау турында»гы карары, (2018 елның 18-нче декабреннән чыккан 1169-нчы номерлы карар үзгәрешләрен исәпкә алып) Татарстан Республикасы Хөкүмәте сайтында http://prav.tatarstan.ru.

5. Татарстан Республикасы Министрлар Кабинетының 2013 елның 31-нче декабреннән чыккан 1132-нче номерлы «Татарстан Республикасының күпфатирлы йортларындагы гомуми милеккә капиталь төзекләндерү үткәрү чиратын билгеләү критерийларын куллану тәртибен раслау турында»гы карары.
Торак биналарның милекчеләре капиталь төзекләндерүнең кайсы елда башкарылачагын ни рәвешле белә ала?
Киңәйтергә Свернуть

Күпфатирлы йортларда гомуми милекне капиталь төзекләндерү буенча төбәк программасы белән Татарстан Республикасы Хөкүмәтенең рәсми порталында http://prav.tatarstan.ru һәм ТР Төзелеш, архитектура һәм торак-коммуналь хуҗалык министрлыгы сайтында http://minstroy.tatarstan.ru танышырга мөмкин. Программада пландагы төзекләндерү елы һәм һәр йорт буенча эш төрләре күрсәтелә.
Йортларны капиталь төзекләндерү программалары ничек формалаша?
Киңәйтергә Свернуть

Татарстан Республикасы Министрлар Кабинетының 2013 елның 31-нче декабреннән чыккан 1146-нчы номерлы карары (2018 елның 25-нче декабреннән чыккан 1230-нчы номерлы карары редакциясендә) белән расланган Күпфатирлы йортларда гомуми милекне капиталь төзекләндерү буенча төбәк программасы (алга таба – Программа) Россия Федерациясе Торак кодексы, Татарстан Республикасының 2013 елның 25-нче июненнән чыккан 52-ТРЗ номерлы Законы нигезләмәләренә таянып эшләнде. Программаны тормышка ашыру вакыты – 2014-2043 еллар. Программа халык акчаларын җыю күләмендә формалаштырылган һәм елына кимендә бер тапкыр актуальләштерелергә тиеш. Программада һәр йорт буенча пландагы төзекләндерү елы күрсәтелә. Күпфатирлы йортларда гомуми милекне капиталь төзекләндерү чираты Программада Татарстан Республикасының 2013 елның 25-нче июненнән чыккан 52-ТРЗ номерлы Законында, Татарстан Республикасы Министрлар Кабинетының 2013 елның 31-нче декабреннән чыккан 1132-нче номерлы карарында күрсәтелгән критерийлар нигезендә билгеләнә.

Йортларны капиталь төзекләндерү программасы идарәче оешма тарафыннан йортларның электрон паспортларына кертелгән мәгълүматлар буенча «Торак фонд мониторингы» автоматлаштырылган мәгълүмат системасында түбәндәге критерийларны исәпкә алып формалаша: төзелеш елы, соңгы капиталь төзекләндерү елы, тузганлык дәрәҗәсе, проект-смета документлары булуы, энергия тикшерү паспортлары, капиталь төзекләндерү өчен түләү буенча финанс дисциплинасы булу.