В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
01.08.2025, 16:45
Казанда Кече Акчарлак күлендә 27 эскәмия һәм биш тренажер урнаштырылачак
Төзекләндерү «Яшәү өчен инфраструктура» милли проекты буенча алып барыла
Кече Акчарлак күле янында яшәүчеләр һәм Татарстан башкаласы кунаклары өчен 27 эскәмия урнаштырыла. Территориядә шулай ук ел ахырына кадәр спорт белән шөгыльләнү өчен биш тренажер барлыкка киләчәк.
Зур Акчарлак күлендә параллель рәвештә эшчеләр яңа пирс каркасы төзиләр. Күл ягыннан киртәләр монтажы үткәрәчәкләр. Сулык янында эскәмияләр, урналар, яктырту һәм мәгълүмат стенды урнаштырылачак, дип хәбәр иттеләр шәһәрнең тышкы төзекләндерү комитетында.
Җәмәгать киңлекләрендә төзекләндерүне «Яшәү өчен инфраструктура» милли проектын гамәлгә ашыру кысаларында үткәрәләр.
Исегезгә төшерәбез, узган ел Зур Акчарлак күле территориясен төзекләндерүнең беренче чираты тәмамланды. Территориядә хайваннарны күзәтү өчен агач түшәмле пирслар ясаганнар, йөреп кайту өчен юллар салганнар һәм аларны йомшак яктылык белән яктыртканнар, кофе һәм бәдрәфле павильон ачканнар, 350 агач һәм меңгә якын куак утыртканнар.
Шулай ук укыгыз
-
23.12.2022, 16:48 -
18.10.2022, 16:39 -
28.12.2021, 14:22 -
03.12.2021, 09:23