Мэрга мөрәҗәгать итү

Казан шәһәре Башкарма комитетының Мәдәният идарәсе оештыручы зур гомумшәһәр вакыйгасының концерт программасында катнашу өчен КЗН.ру порталында Интернет-кабул итү аша гариза бирергә кирәк.

8 нче октябрьдән Казанның район администрацияләрендә махсус хәрби операциядә катнашучыларның балаларына ташламаларны раслау өчен «Батыр» пластик карталарын тапшыра башладылар. Алар ярдәмендә балалар мәдәни һәм спорт учреждениеләренә йөри алачак.

«Батыр» пластик картасы түбәндәге мөмкинлекләрне бирә:

1. Мәдәни учреждениеләргә түләүсез йөрү

Ташлама баланың бер өлкән кеше озатуында республика һәм муниципаль мәдәният учреждениеләренә баруына кагыла. 

Утырту каралган чараларга билетларны алдан ук броньларга кирәк. Моның өчен чара алдыннан 5 календарь көннән дә соңга калмыйча учреждение кассасына «Батыр» картасы белән мөрәҗәгать итү сорала.  Буш урыннар булган очракта, балаларга чарага билетлар биреләчәк. 

Урыннар буенча утыртуны күздә тотмаган чараларга алдан бронь ясау кирәк түгел. 

Бүгенге көндә 45 мәдәният учреждениесе ташлама бирә. 

Утырту каралган концертлар, кино күрсәтү, спектакльләр, лекцияләр һәм башка чараларга билетлар алу өчен алдан ук мөрәҗәгать итәргә кирәк. Планлаштырылган вакыйгага кадәр, ким дигәндә, 5 календарь көн кала, учреждение кассасына «Батыр» картасы белән килергә һәм билетны алырга кирәк. Билетлар буенча консультацияне, шулай ук чараның яшь цензы буенча мәгълүматны конкрет концерт залының, циркның, мәдәни үзәкнең яки театрның телефон номеры буенча алырга мөмкин. Алдан бронь ясамыйча, утырту каралмаган учреждениеләргә, әйтик, Казан зооботаника бакчасына һәм музейларга барырга була.

«Батыр» картасы белән сатып алынган билетлар буенча чараларга керү баланың туу турындагы таныклыгы яки паспорты, «Батыр» картасы һәм өлкән озата баручының шәхесен раслаучы документ (паспорт) бирелгәндә генә башкарыла. «Батыр» картасы буенча сатып алынган билетлар сатылырга һәм өченче затларга тапшырылырга тиеш түгел.

2. Спорт объектларына бушлай йөрү

Ташлама муниципаль спорт объектларында тренерсыз шөгыльләнүгә кагыла. Бүгенге көндә балалар түләүсез нигездә 29 учреждениесендә шөгыльләнә ала.

Билгеле бер спорт төре белән шөгыльләнү өчен каршылыклар булмау турында медицина белешмәсе булуы кирәк. 12 яшькә кадәрге балалар бассейнга йөрү өчен паразитологик тикшерү нәтиҗәләре турында белешмә күрсәтергә тиеш.

3. Күңел ачу үзәкләренә бушлай йөрү

Махсус хәрби операциядә катнашучы казанлыларның балалары Петербург ур., 9 адресы буенча ургашкан сәүдә үзәгендә Tiki Viki гаилә күңел ачу паркына бушлай йөри алалар. Анда балалар ял көннәрендә вакыт ягыннан чикләүләрсез уйный алачак. Күңел ачу паркы 10:00 сәгатьтән 22:00 сәгатькә кадәр эшли.

Паркка эләгү өчен килер алдыннан бер көн кала, администраторга шалтыратып язылырга һәм визит вакытында «Батыр» картасын күрсәтергә кирәк. Түбәндәге телефоннар буенча язылырга була: +7(843)202-20-55, +7(843)212-04-64. 

Көн саен парк мобилизацияләнгән казанлыларның 30 баласын кабул итәчәк. Шул ук вакытта озатучылар саны чикләнмәгән. Алар шулай ук паркка бушлай керә алачаклар. 

«Ышаныч» психологик-педагогик ярдәм күрсәтү үзәкләрендә махсус хәрби операциядә катнашучыларның туганнары белән консультацияләр оештырылды. Тәүлек буе шалтыратулар +7(843)277-00-00 телефоны буенча кабул ителә. Психологлар белән шәхсән «Ышаныч» бүлекчәләрендә 9:00 дән 17:30 гә кадәр түбәндәге адреслар буенча очрашырга мөмкин:

Коләхмәтов ур., 21 (Мәскәү районы);

Халтурин ур., 16 (Киров районы);

Сигезенче Март ур., 4 (Совет районы);

Годовиков ур., 14, 2 нче подъезд (Авиатөзелеш районы);

Сәлимҗанов ур., 14 (Вахитов районы).

Шулай ук тәнгә юнәлтелгән терапия элементлары белән стрессны киметү буенча дәресләр үткәрелә. Аларга «Ышаныч» үзәгенең «Вконтакте» төркеме аша язылырга мөмкин.

Мобилизацияләнүчеләрнең туганнары мәгълүмати ярдәмне +7(843)558-74-18 телефоны буенча ала ала. 9:00 дән 21:00 гә кадәр дүрт линия эшли. Шулай ук бер резерв линия 21:00 дән 9:00 гә кадәр эшли.

Шулай ук мобилизацияләнүчеләрнең гаиләләренә ярдәм итү мәсьәләләре буенча Казан Мэриясенең интернет-кабул итү бүлмәсенә мөрәҗәгать итәргә мөмкин.

Казан зооботаника бакчасы

Казан зооботаника бакчасына 1806 елда Казан университеты каршындагы ботаника бакчасы буларак профессор Карл Федорович Фукс нигез салган, хәзерге вакытта ул Европада иң борынгылардан санала.

Хәзерге вакытта зоология коллекциясендә 160 төр хайван исәпләнә, 4000 данәдән артык. Аларның 25 төре Халыкара Кызыл китапка, РФнең Кызыл китабына – 15 төрле хайван һәм 11 төр үсемлек, ТР Кызыл китабына 6 төрле хайван һәм 4 төрле үсемлек төре кертелгән. Ботаника коллекциясендә 1000 дән артык төр үсемлек исәпләнә, якынча 6000 данә.

Адрес: Һади Такташ ур., 112

Телефон: +7(843)278-05-20

Юл: «Һади Такташ урамы» тук.

Керү: түләүле

«Ривьера» аквапаркы

Планетаның иң эре аквапаркларының берсе – «Ривьера» аквапаркы – ел әйләнәсендә эшли. Аквапарк – бассейннарның уңайлы тирәнлеге, куркынычсыз идәннәр, диңгез дулкыннары, күңел ачу төрләре (50дән артык аттракционнар), «Пират форты» һәм нәниләр өчен таулар ул.

Адрес: Ф.Әмирхан проспекты, 1

Юл: «Сибгат Хәким урамы» тук.

Керү: түләүле

«Барионикс» аквапаркы

«Барионикс» аквапаркы – Казанда мондый төрдәге иң эре парк түгел, ләкин аның каравы «Ривьера» кебек күп кеше һәм кыйммәт түгел. Су һәм һаваның чисталыгына, территория уңайлылыгына һәм куркынычсызлыгына аерым игътибар бирелә. Һаваның чисталыгын аквапаркның бөтен мәйданы буенча утыртылган күпсанлы тере үсемлекләр раслый.

Адрес: Мәҗит Гафури ур., 46

Юл: «Аквапарк» тук.

Керү: түләүле

Казан циркы

Казан циркы – «оча торган тәлинкә», аның космос силуэты хәзерге шәһәр төзелешенең аерылгысыз өлешенә әйләнде, борынгы Кремль калкулыгы итәгендә үзенчәлекле экзотик доминант. Казан циркы бинасы 1967 елның 9 декабрендә ачылды.

Адрес: Меңьеллык мәйданы, 2

Телефон:  +7(843)292-48-54

Юл: «Цирк» тук.

Керү: түләүле

ТР Үзәк аэроклубы

Парашют белән сикерү 14 яшьтән мөмкин, ә самолетларда очуларга 16 яшьтән рөхсәт ителә.

Адрес: П.Лумумба ур., 4

Юл: «Кызыл Позиция» тук.

Океанариум

Монда 3000 дән артык төр сирәк балыклар, скатлар, диңгез мәчесе, игуан, пингвиннар һәм хәтта ерткычлар: акулалар һәм крокодиллар бар.

Адрес: Мәҗит Гафури ур., 46

Юл: «Аквапарк» тук.

Керү: түләүле

КидСпейс – Казанда балалар өчен һөнәрләр шәһәре

КидСпейста барлык һөнәрләр синең өчен ачык. Монда кызыклы белемнәр, көтелмәгән ачышлар, фәнни һәм танып белү биремнәре күп. Күбрәк күргән саен кызыграк була ул! Ялгызың яки дусларың белән син бер күңел ачу паркында тулы бер «өлкән тормыш» уза аласың. Курыкма, безнең яхшы остазларыбыз барысын да күрсәтер һәм аңлатыр, син КидСпейс шәһәрендәге тормыш кагыйдәләренә тиз өйрәнерсең!

Адрес: Ямашев пр., 115А, «Ак Барс Арена» стадионы (Сектор С, 58 подъезд). P5 машина кую урыны.

Телефон: +7(843)558-54-73

Юл: «Казан Арена» футбол стадионы тук.

Керү: түләүле

Mazapark – magic amazing zone adventure

Паркның ике катында без балалар һәм өлкәннәр өчен иң популяр аттракционнар җыйдык. Бердәм билетта mazapark үзенчәлеге – сез бер тапкыр керү өчен түлисез һәм чикләүләрсез күңел ачасыз. Бердәнбер искәрмәләр – mazaprizz зонасы, шулай ук барлар һәм кафелар: бу хезмәтләрне аерым түләргә кирәк.

Чикләүләр вакыт буенча да юк – сез паркка кайчан гына килсәгез дә, сез бездә ябылганчы кала аласыз. Эш көннәрендә без 12:00 дә, ял көннәрендә 10:00 да ачылабыз.

Билетларны онлайн (кайвакыт шулай арзанрак) яки паркка кергәндә сатып алырга мөмкин.

Адрес: Мәҗит Гафури ур., 46, «Гафури» күңел ачу үзәге, 3 кат

Телефон:  +7(843)203-92-62

Юл: «Аквапарк» тук.

Керү: түләүле

«Союзмультпарк»

«Союзмультпарк» – балалар һәм өлкәннәр өчен легендар «Союзмультфильм» киностудиясеннән гаилә паркы.

Барлык кунакларны:

– 2500 кв. м мәйданлы уникаль мультимедиа киңлек.

– Заманча технологияләр ярдәмендә булдырылган 12 интерактив аттракционнар.

– Бер мәйданчыкта атаклы һәм буыннар яраткан мультфильмнар һәм персонажлар.

– Хәзерге мультстудиядә мультфильмнар булдыру буенча мастер-класслар һәм курслар.

– Музей киңлегендә «Союзмультфильм» иң зур анимацион студиясе тарихына тулысынча чуму.

– «Простоквашино» дигән атаклы авыл өчен стилизацияләнгән зур банкет залы.

– Туган көннәренә һәм  чыгарылыш кичәләренә авторлык сценарий белән программа.

– Фирма сувенирларының киң ассортименты булган сувенир кибете көтә.

Биредә һәркем яңа күнекмәләр алырга, танылган мультфильмнарга яңача карарга һәм тулысынча анимация һәм заманча технологияләр дөньясына чумарга мөмкин.

Адрес: Казан, Ямашев пр., 115А, АкБарсАрена стадионы, B трибунасы, VSA1 керү

Телефон:  7(843)558-22-78; +7(905)315-96-31

Юл: «Казан Арена» футбол стадионы тук.

Керү: түләүле