Татарстанлыларның белемнәрен «Цифрлы диктант»та тикшерәчәкләр

Тест цифрлы куллану, компетенция, куркынычсызлык һәм яңа технологияләр темаларын үз эченә алачак

Фото: Денис Гордийко

(Казан шәһәре KZN.RU, 13 нче сентябрь). «Цифрлы диктант» акциясе Россиянең барлык төбәкләрендә, шул исәптән Татарстанда да узачак. Тест 29 нчы сентябрьдән 15 нче октябрьгә кадәр дүрт этапта онлайн үткәреләчәк.

Диктантны балалар (7 яшьтән 13 яшькә кадәр), яшүсмерләр (14 яшьтән 17 яшькә кадәр), өлкәннәр (18 яшьтән 59 яшькә кадәр) һәм олы яшьтәге кешеләр (60 яшьтән) яза ала. Диктантның дүрт блогы кулланучылар өчен мөһим булган өлкәләрне – цифрлы куллануны, цифрлы компетенцияләрне, цифрлы куркынычсызлыкны һәм яңа технологияләрне үз эченә алачак. Шулай ук диктант язучылар илебез сервислары һәм продуктлары белән таныша алачак. Акция тәмамланганнан соң, 16 нчы октябрьдә, хаталар өстендә эш алып барырга мөмкин булачак.

Тест өчен сораулар ИТ-компанияләр вәкилләре ярдәмендә төзелде. «Цифрлы диктант» нәтиҗәсендә ил халкының цифрлы грамоталылык индексы билгеләнәчәк. Акция турында тулы мәгълүматны сайтта белергә мөмкин.

Оештыручылар булып Россия электрон коммуникацияләр ассоциациясе, «Цифрлы икътисад» коммерциягә нигезләнмәгән автоном оешмасы һәм РФ Цифрлар министрлыгы ярдәме белән Халык фронты тора.

Шулай ук укыгыз

Барлык яңалыклар