Казанда яшәүчеләргә балигъ булмаганнарның торак хокуклары буенча аңлатмалар бирәчәкләр

Сорауларны кайнар линия телефоны һәм кабул итү вакытында бирергә мөмкин булачак.

Фото: Денис Гордийко

(Казан шәһәре KZN.RU, 31 нче май). Казан халкына балигъ булмаганнарның торак хокуклары буенча консультацияләр бирәчәкләр. Аңлатмалар сорап кайнар линия телефоны һәм шәхси кабул итү вакытында мөрәҗәгать итәргә мөмкин булачак.

Гражданнарның сорауларына Дәүләт теркәве, кадастр һәм картография федераль хезмәтенең Татарстан Республикасы буенча идарәсе белгечләре җавап бирәчәк. Алар ана капиталын кулланып, күчемсез милекне ничек сатып алырга һәм рәсмиләштерергә, шулай ук балага күчемсез милекне ничек бүләк итәргә мөмкин булуы турында сөйләячәкләр. Казанда яшәүчеләр күчемсез милек белән алыш-биреш ясаганда балигъ булмаганнарның мәнфәгатьләрен кем яклый алуын һәм баланың ничә яшьтән үз милке белән эш итә алуын беләчәк. Моннан тыш, экспертлар ата-аналарга бала пропискада булган фатирны сатканда нинди үзенчәлекләрне исәпкә алырга кирәклеген аңлатачак.

3 нче июньгә кадәр шәһәрлеләр кайнар линия телефоннары буенча консультация ала алалар: +7(843)255-25-82, +7(843)255-25-70, +7(843)255-24-19, +7(843)255-25-63, +7(843)255-25-32.

Гражданнарны шәхси кабул итү 1 нче июнь көнне 13:00 сәгатьтән 17:00 сәгатькә кадәр Авангард урамы, 74 нче йорт (7 нче подъезд) адресы буенча үткәреләчәк, дип хәбәр итә Дәүләт теркәве, кадастр һәм картография федераль хезмәтенең ТР буенча идарәсе матбугат хезмәте.

Шулай ук укыгыз

Барлык яңалыклар