Җиңү проспекты, 34 адресы буенча урнашкан йортта яшәүчеләргә үз фатирларына кайтырга рөхсәт иттеләр

1-7 каттагы бүлмәләргә керү рөхсәт ителгән, 8 һәм 9 катларда тикшерү үткәрелә.

(Казан шәһәре KZN.RU, 27-нче март). Җиңү проспекты, 34 адресы буенча урнашкан йортның 1-7 катларында яшәүчеләргә янгыннан соң үз фатирларына кайтырга рөхсәт иттеләр. 8 һәм 9-нчы каттагы фатирларга керү чикләнгән - тиешле хезмәтләр биредә тикшерү алып бара.

Янгыннан зыян күргән фатирларда яшәүчеләр шәһәрнең бер кунакханәсенә урнаштырылган, дип хәбәр иттеләр Казанның Вахитов һәм Идел Буе районнары администрациясендә.

Исегезгә төшерәбез, Җиңү проспекты, 34 адресы буенча урнашкан йортның сигезенче катындагы балконда шартлау турындагы хәбәр бүген 12.11 сәгатьтә бердәм “112” номерына килде. Һәлакәт нәтиҗәсендә бер кеше зыян күргән, ир-ат республика клиник хастаханәсе реанимациясендә ята.

Шулай ук укыгыз

Барлык яңалыклар