Казанда яшәүче мошенникларга 900 мең сум тирәсе акча күчергән

Ул инвестицияләрдә акча эшләргә теләгән.

Фото: Денис Гордийко

(Казан шәһәре KZN.RU 29-нчы ноябрь). Казанда яшәүче мошенникларга, инвестицияләрдә акча эшләргә теләп, 900 мең сум тирәсе акча күчергән.

58 яшьлек хатын-кыз полициягә мөрәҗәгать иткән һәм аңа таныш булмаган номердан шалтыратулары һәм акча эшләргә тәкъдим итүләре турында сөйләгән. Хатын-кыз ризалашкан һәм биржада уйнар өчен кушымтаны смартфонга күчереп алган. Җинаятьче киңәшләре буенча ул электрон янчык булдырган, аңа 35 мең сум күчергән. Берничә көннән аның банк картасына 3,5 мең сум «хезмәт хакы» кергән. Аннары атна дәвамында хатын-кызга үзләрен брокерлар һәм белгечләр дип таныштырган ят кешеләр шалтыраткан. Биржада уен сылтавы астында алар аннан 900 мең сумга якын акча алган, акчаларны зыян күрүче алар әйтеп торган банк карталарының номерларына күчергән. Зыян күрүче мошенниклар хәйләсенә эләгүен банкка счетының ни өчен ябык булуын ачыклау өчен шалтыраткач аңлаган.

Әлеге факт буенча «Горки» полиция бүлегендә «Мошенниклык» маддәсе буенча җинаять эше кысаларында тикшерү эшләре алып барыла, дип хәбәр итә Россия Эчке эшләр министрлыгының Казан буенча идарәсе матбугат хезмәте.

Алдашу очраклары турында кичекмәстән полициягә 02 яки 112 телефоннары буенча хәбәр итәргә кирәк. Дистанцион алдау схемалары һәм мошенникларның хәйләләренә ничек эләкмәү турында сылтама буенча укыгыз.

Шулай ук укыгыз

Барлык яңалыклар