Татарстанда яшәүчеләр пенсия күләме турында дистанцион рәвештә белешмә ала алалар

Моның өчен Россия Пенсия фонды сайтында яки дәүләт хезмәтләре порталында теркәлергә кирәк.

Фото: Марат Мөгыйнов

(Казан шәһәре KZN.RU, 9 нчы март). Татарстан халкы пенсия күләме һәм билгеләнгән түләүләр турында дистанцион рәвештә белешмә ала ала. Бу хакта Россия Пенсия фондының ТР буенча бүлегендә хәбәр иттеләр.

Пенсия төре һәм күләме (детализация белән) һәм социаль түләүләр турындагы белешмәне Россия Пенсия фонды сайтында яки дәүләт хезмәтләренең бердәм порталында «Шәхси кабинет» аша дистанцион рәвештә алырга мөмкин. Белешмә Россия Пенсия фондының төбәкара мәгълүмат үзәгенең квалификацияле электрон култамгасы белән таныкланачак. Әгәр гражданинның дәүләт хезмәтләре порталында расланган хисап язмасы булмаса, белешмә алу өчен ул күп функцияле үзәкләргә мөрәҗәгать итә ала.

Россия Пенсия фондының ТР буенча бүлеге башлыгы Эдуард Вафин билгеләп үткәнчә, Пенсия фонды башкара торган түләүләр (пенсия, айлык акчалата түләүләр, тәрбияләү буенча компенсация түләүләре) турында мәгълүмат таләп ителгән оешмаларга кирәкле мәгълүматны ведомствоара электрон багланыш каналлары буенча мөстәкыйль рәвештә соратып алалар.

Хәзер гражданнарга халыкка социаль яклау органнарына, социаль хезмәт күрсәтү үзәкләренә, медицина учреждениеләренә һәм башка оешмаларга белешмәләр бирү өчен Россия Пенсия фондының клиент хезмәтләренә белешмә сорап мөрәҗәгать итәргә кирәкми, дип хәбәр иттеләр Россия Пенсия фондының ТР буенча бүлегендә.

Тулырак мәгълүматны +7(800) 600-00-00 контакт-үзәк телефоны буенча алырга мөмкин.

Шулай ук укыгыз

Барлык яңалыклар