Яңалыклар
13.11.2024, 16:09
Казан халкы тематик диктантта экология буенча белемнәрен тикшерә алачак
Акцияне 25 ноябрьдән 8 декабрьгә кадәр үткәрәчәкләр
Быел Бөтенроссия экологик диктанты 25 ноябрьдән 8 декабрьгә кадәр узачак. Акциягә теләсә кайсы яшьтәге һәм әзерлек дәрәҗәсендәге казанлылар кушылырга мөмкин.
Быел сораулар Россиянең экотуризмына, Кызыл китабына һәм тыюлык территорияләренә багышланачак. Хәзер проектның рәсми төркемендә диктантка әзерлек алып барыла – администраторлар укучылар өчен файдалы мәгълүмат бастыра.
Диктант проект сайтында онлайн узачак. Катнашу өчен теркәлергә кирәк.
Экодиктант – экологик белемнәрне популярлаштыруга, экологик хокук бозуларны кисәтү һәм экологик иминлекнең төп өлешен тәшкил итүче чаралар сыйфатында экологик грамоталылык дәрәҗәсен арттыруга юнәлдерелгән ел саен уздырыла торган акция.
Узган ел акциягә 109,5 мең татарстанлы кушылган, дип хәбәр иттеләр республиканың экология министрлыгында.
Шулай ук укыгыз
-
29.04.2025, 17:11 -
29.04.2025, 16:02 -
29.04.2025, 10:11 -
28.04.2025, 17:54
