Татарстанда яшәүчеләргә талпан инфекцияләрен профилактикалау мәсьәләләре буенча консультацияләр биреләчәк

Кайнар линия 15-26 нчы майда эшләячәк.

Фото: Денис Гордийко

(Казан шәһәре KZN.RU, 15 нче май). 15-26 нчы май көннәрендә Татарстанда талпан инфекцияләрен профилактикалау мәсьәләләре буенча кайнар линия эшләячәк. Республика халкының сорауларына Россия кулланучылар күзәтчелегенең ТР буенча идарәсе хезмәткәрләре җавап бирәчәк.

Эш көннәрендә мөрәҗәгатьләр 9:00 сәгатьтән 18:00 сәгатькә кадәр +7(843)238-21-74 телефоны буенча кабул ителә. Ял көннәрендә консультацияләр 9:00 сәгатьтән 17:00 сәгатькә кадәр +7(843)238-98-54 телефоны буенча алып барыла. Шулай ук Бердәм консультация үзәге телефоны буенча сораулар бирергә мөмкин: +7(800)555-49-43, дип хәбәр итә ведомствоның матбугат хезмәте.

Россия кулланучылар күзәтчелегенең ТР буенча идарәсендә искә төшергәнчә, 3 нче апрельдән республикада энцефалит һәм боррелиоз ташучы талпаннар активлыгы сезоны башланды. ТР дәвалау-профилактика учреждениеләренә тешләүдән зыян күргән 2,3 меңнән артык кеше мөрәҗәгать иткән, алар арасында 645 бала бар. Бу узган елгы күрсәткечләр белән чагыштырганда 12% ка күбрәк.

Талпаннарны алу өчен үзәк район хастаханәсенә яки яшәү урыны буенча территориаль поликлиникага мөрәҗәгать итәргә кирәк. Шуннан соң медицина хезмәткәре аны тикшерүгә җибәрәчәк, аның нәтиҗәләре буенча ашыгыч профилактика билгеләү мәсьәләсе хәл ителәчәк.

Ял итү урыннарына һәм урман массивларына барганда талпаннар белән очрашу ихтималы азрак булган маршрутлар сайларга киңәш ителә. Күбрәк алар куаклы, катнаш яфраклы урманнарда була.

Үлән һәм чыбык-чабык өстендә утырырга һәм ятарга ярамый. Кием мөмкин кадәр талпаннардан саклый торган булырга тиеш. Аны, тәннең ачык өлешләрен кебек үк, репеллентлар белән эшкәртергә кирәк.

Шулай ук укыгыз

Барлык яңалыклар