Татарстан халкын республика территориясендә законсыз балык тоту фактлары турында хәбәр итәргә чакыралар

Балыкчылык кагыйдәләрен бозган өчен административ җәза каралган.

(Казан шәһәре KZN.RU, 4-нче декабрь). Татарстан халкын республика территориясендә законсыз балык тоту фактлары турында хәбәр итәргә чакыралар. ТР Биологик ресурслар буенча Дәүләт комитеты белгечләре билгеләп үткәнчә, балык тоту челтәрләре, кысла тоту җиһазлары һәм башка җайланмалар куллану хайваннар дөньясына бик зур зыян китерергә мөмкин. Моннан тыш, республика сулыкларындагы боз калынлыгы бөтен җирдә дә куркынычсыз күрсәткечләргә җитмәгән әле.

ТР территориясендә законсыз балык тоту фактлары турында «Халык контроле» мәгълүмат системасы аша «Су биологик ресурсларын законсыз чыгару (тоту)» категориясендә хәбәр итәргә була.

Искәртеп узабыз, балыкчылыкны регламентлый торган кагыйдәләрне бозу гражданнарга – 2 меңнән 5 мең сумга кадәр, вазыйфаи затларга – 20 меңнән 30 меңгә кадәр, юридик затларга 100 меңнән 200 мең сумга кадәр административ штраф салуга китерә. Шул ук вакытта суднолар һәм су биологик ресурсларын чыгаруның (тоту) башка чаралары конфискацияләнергә мөмкин.

Шулай ук укыгыз

Барлык яңалыклар