Казанда яшәүчеләргә парфюмерия-косметика продукциясенең сыйфаты һәм куркынычсызлыгы мәсьәләләре буенча консультация бирәчәкләр

Кайнар линия 6-17 нче февральдә эшләячәк.

Фото: Марат Мөгыйнов

(Казан шәһәре KZN.RU, 2 нче февраль). 6-17 нче февральдә Татарстанда парфюмерия-косметика продукциясенең сыйфаты һәм куркынычсызлыгы мәсьәләләре буенча кайнар линия эшләячәк. Республика халкының сорауларына Россия кулланучылар күзәтчелегенең ТР буенча идарәсе белгечләре җавап бирәчәк.

Эш көннәрендә шалтыратулар 10:00 сәгатьтән 16:00 сәгатькә кадәр кабул ителә. Теләүчеләр коммуналь гигиена буенча күзәтчелек бүлегенә +7(843)273-76-72 телефоны буенча һәм +7(917)224-87-94 номеры буенча кулланучылар хокукларын яклау бүлегенә мөрәҗәгать итә алалар.

Татарстан Республикасында яшәүчеләргә продукциягә норматив таләпләр һәм парфюмерия-косметика товарларын маркировкалау мәсьәләләре буенча консультация бирәчәкләр. Белгечләр, кибеттә сыйфатсыз әйберләр табылса, кая мөрәҗәгать итәргә һәм кире кайтаруны ничек рәсмиләштерергә кирәклеге турында киңәш бирәчәкләр.

Шулай ук кулланучылар хокукларын яклау мәсьәләләре буенча татарстанлылар ТР Гигиена һәм эпидемиология үзәгенә мөрәҗәгать итә алалар. Шалтыратулар +7(843)221-90-16 телефоны буенча 9:00 дән 17:00 гә кадәр (12:00 дән 13:00 – тәнәфес), ял һәм бәйрәм көннәреннән тыш, көн саен кабул ителә, дип хәбәр итә Россия кулланучылар күзәтчелегенең ТР буенча идарәсе матбугат хезмәте.

Шулай ук укыгыз

Барлык яңалыклар