Казанда яшәүче ханым, авиабилетлар сатып алам дип, 97 мең сумнан артык акчасын югалткан

Әлеге факт буенча «Мошенниклык» маддәсе билгеләре буенча җинаять эше кузгатылган

Фото: Марат Мөгыйнов

(Казан шәһәре KZN.RU, 29 нчы июнь). Казанда яшәүче ханым, авиабилетлар сатып алганда, 97 мең сумнан артык акчасын югалткан. Әлеге факт буенча РФ Җинаять кодексының 159 нчы маддәсенең 2 нче өлешендәге «Мошенниклык» маддәсе билгеләре буенча җинаять эше кузгатылган, дип хәбәр итә Россия Эчке эшләр министрлыгының Казан буенча идарәсе матбугат хезмәте.

Зыян күрүче «Гвардия» полиция бүлегенә сөйләгәнчә, ул бушлай белдерүләр сайтында отышлы тәкъдим тапкан һәм сатучы белән килешү шартлары турында сөйләшкән. Мошенник сайтка сылтама җибәрә, хатын-кыз исә банк картасы реквизитларын кертә һәм билетлар өчен түли. Акчалар аның картасыннан алына, ә билетларны ул ала алмый.

Интернетта товар сатып алганда, товар тапшырылганчы яки җибәрелгәнче акча күчерүне сораучы аферистлар белән очрашырга мөмкин. Халыкка сатып алуларны бары тик тикшерелгән интернет-мәйданчыкларда гына, алдан ук бәяләмәләрне өйрәнеп, башкарырга киңәш итәләр.

Шулай ук укыгыз

Барлык яңалыклар