Васильево – Юдино арасындагы тимер юллар капиталь ремонтланачак

Шуңа бәйле рәвештә ерак юлга баручы поездлар җәдвәле вакытлыча үзгәрәчәк.

Фото: Казан шәһәре KZN.RU

(Казан шәһәре KZN.RU, 5 нче апрель). Татарстанда Васильево – Юдино тимер юллары капиталь ремонтланачак. 8,4 км озынлыктагы участокта балластны яхшылап чистарталар, яңа рельс-шпаль рәшәткәсе һәм тоташ юллар салалар.

Шуңа бәйле рәвештә 13 нче апрельдән 5 нче июньгә кадәр 51/52 нче номерлы Ижевск – Түбән Новгород һәм 58 нче номерлы Мәскәү – Йошкар-Ола ерак юлга баручы поездлар җәдвәле үзгәрәчәк, дип хәбәр итә Горький тимер юлы – «Россия тимер юллары» ААҖ филиалы матбугат хезмәте.

Поездлар җәдвәле турында өстәмә мәгълүматны «Россия тимер юллары» ААҖ клиентларга ярдәм итү үзәгендә +7(800)775-00-00 телефоны буенча (бушлай шалтырату), шулай ук компаниянең рәсми сайтында белергә мөмкин.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар