«Зенит-Казан» Польшаның «Ястшембски» волейбол клубы белән очрашачак

Командалар чемпионнар Лигасының төркем этабы кысаларында уйнаячак.

(Казан шәһәре KZN.RU, 17-нче гыйнвар). «Зенит-Казан» 18-нче гыйнварда Польшаның «Ястшембски» волейбол клубы белән очрашачак. Уен Казанның «Санкт-Петербург» волейбол үзәгендә узачак.

Командалар чемпионнар Лигасының төркем этабы кысаларында очрашачак. Ике команда да икешәр уен уйнады инде. Бүгенге көндә С төркемендә «Ястшембски» – лидер. Алар ике җиңүләре өчен 6 очко җыйды. Татарстан башкаласы клубы бераз калыша – алар арсеналында бары тик бер җиңү һәм 4 очко гына.

Матч 19.00 сәгатьтә башлана, дип хәбәр ителә Казан клубының рәсми сайтында.

Шулай ук укыгыз

Барлык яңалыклар