Иртәгә Татарстанда юеш кар һәм көчле җил көтелә

Төнлә һава температурасы -3 градуска кадәр төшәчәк

Фото: Денис Гордийко

Алдагы көннәрдә Татарстанда температура түбәнәя, вакыты белән юеш кар рәвешендә явым-төшем көтелә. Юлларда бозлавык барлыкка килүе ихтимал, дип кисәтә республиканың Гидрометеоүзәге.

Иртәгә һәм шимбә, 4 нче майда, республикада төньяк-көнбатыштан көчле җил исәчәк, аның тизлеге секундына 15-20 метрга кадәр җитәчәк. 3 нче майда һава температурасы урыны белән – -3 градуска кадәр, ә 4 нче майда -5 градуска кадәр төшә. Көндез термометр баганалары +3..+8 градустан югары күтәрелми.

Казанда иртәгә урыны белән юеш кар фаразлана. Җил төньяк-көнбатыштан, аның тизлеге секундына 14 метрга кадәр җитәчәк. Һава температурасы төнлә һәм иртән 0..+2 градусны тәшкил итәчәк, урыны белән -2 градуска кадәр кырау төшәргә мөмкин.

Көндез Татарстан башкаласында яңгыр, кар һәм юеш кар явачак. Җил төньяк-көнбатыштан һәм төньяктан, аның тизлеге урыны белән секундына 17-22 метрга кадәр җитәчәк. Көндез һава температурасы +6 градуска кадәр күтәрелә. Иртән юлның аерым участокларында бозлавык барлыкка килүе бар.

Якшәмбе, 5 нче майда, көндез урыны белән яңгыр явачак. Татарстанда төнлә һава температурасы +1..-4 градусны тәшкил итәчәк, көндез һава +6..+11 гардуска кадәр җылыначак. Киләсе атнаның беренче яртысында Татарстанда карлы-яңгырлы салкын һава торышы саклана.

Шулай ук укыгыз

Барлык яңалыклар