Иртәгә ТР башкаласында «Студентлар хәтер уты»н кабызачаклар

Иртәгә ТР башкаласында «Студентлар хәтер уты»н кабызачаклар

<p> Иртәгә, 19 февральдә, Казанда «Студентлар хәтер уты» акциясе старт ала. Шул ук көнне волонтерлар корпусын ачу тантанасы да булачак, ул Бөек Ватан сугышында Җиңү юбилеена багышланган чараларда катнашу өчен меңләгән иреклеләрне берләштерәчәк. </p> <p> Казан дәүләт архитектура-төзелеш университетында һәм Дементьев исемендәге көллияттә геройлар истәлеген гәүдәләндерүче символик ут кабызылачак. Ике ай дәвамында символны бер уку йортыннан икенчесенә тапшырачаклар. Студентлар һәм укытучылар истәлекле чараларда катнашачаклар, ветераннар белән очрашулар уздырачаклар һәм Бөек Ватан сугышы тарихына багышланган проектларны гамәлгә ашырачаклар, дип хәбәр иттеләр шәһәр Башкарма комитетының балалар һәм яшьләр эшләре комитетында. </p> <p> 8 майда, Җиңү көне алдыннан, акция кысаларында кабызылган барлык утлар Җиңү паркында Мәңгелек ут белән берләшәчәк. Бу момент буыннар бердәмлеген һәм совет солдатларының батырлыгы турындагы хәтерне саклауны ассызыклаучы акциянең символик тәмамлануы булачак. </p> <p> Шул ук көнне 11:00 сәгатьтә Җиңү паркында Хәтер Китабы янында волонтерлар корпусын ачу тантанасы узачак, анда 3000 нән артык ирекле катнашачак. Алар Җиңү юбилеена багышланган истәлекле чараларны оештыруда һәм уздыруда ярдәм итәчәкләр. </p> <p> Мәртәбәле кунаклар Казан Башкарма комитетының балалар һәм яшьләр эшләре комитеты рәисе Алия Заһидуллина һәм Җиңүнең 80 еллыгы волонтерлар корпусының төбәк штабы җитәкчесе Тимур Галәлетдинов булачак. </p>

2025-02-18T16:10:00+0300