Иртәгә татарстанлыларны +4 градуска кадәр җылы һава көтә

Иртәгә татарстанлыларны +4 градуска кадәр җылы һава көтә

<p> Казанда синоптиклар аязучан болытлы, сизелерлек явым-төшемсез һава торышын фаразлый. Җил – төньяк-көнбатыштан, тизлеге секундына 4-9 метр. Төнлә термометр баганалары -3 тән -5 градуска кадәр күрсәтәчәк. Көндез һава температурасы 0 дән +2 градуска кадәр булачак. Юлларда урыны белән бозлавык сакланачак. </p> <p> Гомумән алганда, Татарстан буенча аязучан болытлы һава көтелә. Төнлә урыны белән көнчыгышта бераз кар, юеш кар, көндез явым-төшемсез. Төнлә һәм иртән урыны белән томан. Җил төньяк-көнбатыштан, төньяк-көнчыгышка таба күчә торган, тизлеге секундына 4-9 метр. Төнлә минималь температура -2 дән -7 градуска кадәр, көндез максималь температура 0 дән +4 градуска кадәр булачак. Төнлә һәм иртән юлларда урыны белән бозлавык, дип хәбәр итә ТР Гидрометеорология үзәге. </p> <p> Чәршәмбе, 19 мартта, республика буенча сизелерлек явым-төшем көтелми, җил төньяк-көнчыгыштан, төньяк-көнбатышка таба үзгәрүчән, тизлеге секундына 6-11 метр. Төнлә температура -3..-8 градуска кадәр төшәчәк. Көндез -1..+2 градуска кадәр җылыта. </p> <p> Пәнҗешәмбе көнне, 20 мартта, төнлә сизелерлек явым-төшемсез, температура -4..-9 градус тәшкил итәчәк. Җил көньяк-көнбатыштан, төньяк-көнбатышка таба үзгәрүчән, тизлеге секундына 6-11 метр. Көндез урыны белән бераз юеш кар явуы ихтимал. Һава температурасы 0..+4 градуска кадәр күтәреләчәк. Төнлә һәм иртән юлларда урыны белән бозлавык. </p> <p>   </p>

2025-03-17T16:55:00+0300