Иртәгә төнлә һәм иртән Татарстанда томан һәм көчле җил фаразлана

Ял көннәрендә төнлә белән көчле салкыннар көтелә.

Фото: Денис Гордийко

(Казан шәһәре KZN.RU, 9-нчы сентябрь). Иртәгә, 10-нчы сентябрь көнне, Татарстан һәм аның башкаласы территориясендә урыны белән томан булуы көтелә.

ТР Гидрометеорология һәм әйләнә-тирә мохитне күзәтү идарәсе белгечләре хәбәр иткәнчә, Казанда иртәгә аязучан болытлы һава торышы булачак. Җил төньяк-көнбатыштан, көнбатыштан уртача тизлектә. Төнлә бераз яңгыр явачак, урыны белән томан, иртән һәм көндез – шулай ук явым-төшемнәр. Төнлә минималь температура +9-11 градус, көндез максималь температура +14-16 градус тәшкил итәчәк.

Шундый ук һава шартлары иртәгә бөтен республика буенча көтелә. Татарстанның кайбер районнарында төнлә җилнең тизлеге секундына 17 метрга кадәр җитәргә мөмкин. Төнлә һаваның минималь температурасы +7-12 градус, көндез максималь температура +12-17 градус тәшкил итәчәк.

11-нче сентябрь көнне республикада алмашынучан болытлы һава көтелә, төнлә бераз яңгыр явачак. Төньяк-көнбатыштан талгын җил исәчәк. Төнлә һаваның минималь температурасы 0...+5 градуска кадәр, урыны белән минус 1 градуска кадәр кырау булырга мөмкин. Көндез иң югары температура +11-16 градус.

Якшәмбе көнне, 12-нче сентябрьдә, аязучан болытлы һава булачак. Төнлә явым-төшемсез, көндез бераз яңгыр булуы ихтимал. Көньяк-көнбатыштан талгын җил исәчәк. Төнлә минималь температура +2-7 градус, урыны белән минус 1 градуска кадәр. Көндез иң югары температура +12-17 градус.

Шулай ук укыгыз

Барлык яңалыклар