Яшел Үзән районында ККК энергетик утильләштерү заводы 24%ка әзер

Яшел Үзән районында ККК энергетик утильләштерү заводы 24%ка әзер

<p> Яшел Үзән районында каты коммуналь калдыкларны энергетик утильләштерү заводын төзү эшләре 24%ка үтәлгән. Территориядә бункер һәм кабул итү бүлекләре, баш һәм инженер-көнкүреш корпусы төзелгән. Бүген төзелеш мәйданчыгында Россия хөкүмәте рәисе урынбасары Дмитрий Патрушев, Татарстан рәисе Рөстәм Миңнеханов һәм Казан мэры Илсур Метшин булды. </p> <p> «АГК-2» ҖЧҖ генераль директоры Василий Белосевич объектта вакытлы корылмалар, складлар, шулай ук казан астына фундаментлар әзерләгәннәр, турбиналар электротехника бүлегенең металл конструкцияләрен монтажлаганнар, дип сөйләде. </p> <p> Завод калдыкларны энергетик утильләштерүнең иң нәтиҗәле һәм киң таралган технологиясенә ия булачак – колосник рәшәткәдә яндыру. Заводның куәте елына 550 мең тонна чүп-чар тәшкил итәчәк. </p> <p> Җиһазлар белән проблемалар аркасында 2023 елда объект төзелеше туктатылды. Әмма 2024 елда төп техника җитештерү белән шөгыльләнәчәк Кытай партнеры белән килешү имзаланды. </p> <p> Заводның технологик параметрлары элеккечә калачак. Җиһаз экологик нормаларның барлык таләпләренә туры киләчәк, дип хәбәр ителә ТР рәисе сайтында. </p>

2025-01-23T16:45:00+0300