Авангард урамындагы 11 нче балалар шәһәр поликлиникасы филиалында капиталь ремонт төгәлләнде

Бинада кабул итү кабинетлары һәм сөт ризыклары белән тәэмин итү пункты яңартылды, заманча лаборатория ачылды

11 нче балалар шәһәр поликлиникасының икенче педиатрия бүлегендә капиталь ремонт төгәлләнде. Хәзер Авангард урамындагы филиалда кечкенә пациентларны тернәкләндерүнең тулы комплексын үткәрә алачаклар.

Эшләр быел март аенда башланды. Бинада тәрәзәләрне алыштырдылар һәм керү төркемен төзәттеләр, ә хәзер ябык коляскалар бүлмәсен төзекләндерүгә керештеләр. Мондый зона булдыру кирәклеге турында еш кына ата-аналар сораган, дип хәбәр иттеләр ТР сәламәтлек саклау министрлыгында.

Моннан тыш, балалар поликлиникасы филиалында заманча лаборатория ачылды. Якын көннәрдә яңартылган кабинетларда физиотерапевтлар һәм дәвалау физкультурасы буенча табиблар кабул ителә башлаячак. Капиталь ремонт кысаларында массаж кабинетын киңәйттеләр — ике сменада балаларны икешәр белгеч кабул итәчәк.

Шулай ук учреждениедә сөт ризыклары белән тәэмин итү пункты тулысынча яңартылды. Эшчеләр биналарны бизәделәр, продукцияне саклау һәм бирү өчен яңа җиһазлар урнаштырдылар. Сөт ризыклары белән тәэмин итү пунктларын яңарту программасы Татарстан рәисе ярдәме белән гамәлгә ашырыла.

Шулай ук укыгыз

Барлык яңалыклар