Узган тәүлектә Казан урамнарыннан 4 мең тоннадан артык кар чыгарылган

Бүген көндез урамнарны кардан чистартуга 471 юл эшчесе һәм 266 махсус техника чыгачак.

(Казан шәһәре KZN.RU, 15-нче март). Узган тәүлек эчендә юл хуҗалыгы хезмәтләре Казан урамнарыннан 4310 тонна кар чыгарганнар. Казан урамнарын җыештыруга 447 юл эшчесе һәм 479 махсус техника берәмлеге, шул исәптән 150 катнаш юл машинасы, 10 кар төягеч, 110 трактор щеткасы, 14 грейдер, 58 фронталь төягеч, 45 «Барсик» мини-төягече, 83 үзбушаткыч һәм башка төр техника җәлеп ителгән.

Узган тәүлек эчендә юлларны эшкәртү өчен 186 тонна бозлавыкка каршы матдә, шул исәптән 39 тонна реагент һәм 147 тонна ком-тоз катнашмасы кулланылган.

Бүген көндез урамнарны кардан чистартуга 471 юл эшчесе һәм 266 махсус техника чыгачак, дип хәбәр итә Тышкы төзекләндерү комитеты.

Кар юлларның түбәндәге өлешләреннән чыгарылачак: Адоратский, Актай, Әхтәмов, Бауман, Белинский, Беломорск, Болотников, Воровский, Сәетгалиев, Декабристлар, Шәриф Камал, Касаткин, Копылов, Кулагин, Модель, Мусин, Яңа Кремль, Островский, Павлюхин, Петербург, Софья Перовская, Салих Сәйдашев, Симонов, Техника, Фрунзе, Чапаев урамнарыннан, шулай ук Камалиев проспектыннан, оренбург трактыннан, Ферма шоссесыннан, 1000 еллык мәйданыннан һәм Отар, Салмачы поселокларыннан.

Шулай ук укыгыз

Барлык яңалыклар