Бер тәүлектә шәһәр урамнарыннан 5,5 мең тонна кар чыгарганнар

Бүген юлларны җыештыруга 555 эшче һәм 319 берәмлек техника чыгачак

Узган тәүлектә Казан урамнарыннан 5,5 мең тонна кар чыгарылган, 550 тонна бозлавыкка каршы материал тотылган. Юлларны җыештыруда 302 берәмлек техника катнашкан.

Тышкы төзекләндерү комитетында хәбәр итүләренчә, бүген урамнарны чистартуга 555 юл эшчесе һәм 319 берәмлек техника чыгачак.

Исегезгә төшерәбез, кар җыю буенча көчәйтелгән эшләр 9 декабрьдә көндез үк башланды – ТР Гидрометеорология үзәгеннән төнлә явым-төшем булуы турында хәбәр алганнан соң. Бер тәүлектә кар эретү пунктларына һәм вакытлыча туплау урыннарына 340 тонна кар чыгарылган.

Ишегалларын җыештыруга кагылышлы кисәтүләрне шәһәр халкы «Открытая Казань» («Ачык Казан») системасына яисә +7(843)236-41-23 телефоны буенча җибәрә ала. Шулай ук проблемалы участоклар турында @kznhelpbot чат-ботында яки кайнар линия телефоннары аша хәбәр итәргә мөмкин.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар