Бер тәүлек эчендә Казан урамнарыннан 15,6 мең тонна кар чыгарылган

Бүген юлларны җыештырырга 389 берәмлек техника һәм 529 юл эшчесе чыкты.

Фото: Денис Гордийко

(Казан шәһәре KZN.RU, 12 нче февраль). Бүген көндез Казан урамнарын кардан җыештырырга 529 юл эшчесе һәм 389 берәмлек махсус техника, шул исәптән 55 катнаш юл машинасы, 71 трактор щеткасы, 120 үзбушаткыч, 72 фронталь төягеч, 38 «Барсик» минитөягече һәм башка техника чыкты.

Кар Айдаров, Арсланов, Батурин, Бауман, Восстание, Гарифьянов, Гладилов, Глушко, Девятаев, Дзержинский, Достоевский, Зорге, Г.Камал, Карбышев, Короленко, Краснококшайск, Кремль, Кутуй, Латыш Укчылары, Магистраль, Миль, Нариманов, Павлов, Парин, Петербург, Пушкин, Сәетгалиев, Столяров, Сыртланова, Татарстан, Театр, Тихорецк, Фрунзе, Чернышевский, Чуйков, Энтузиастлар урамнары участокларыннан, Ибраһимов, Җиңү һәм Ямашев проспектларыннан, шулай ук урамнарның башка участокларыннан чыгарылачак.

Узган тәүлектә урамнардан 15 мең 660 тонна кар чыгарылган, ә кышкы сезон башыннан – 774,7 мең тоннадан артык кар, дип хәбәр иттеләр Казан Башкарма комитетының Тышкы төзекләндерү комитетында.

Юлларда тәүлеккә 140 тонна реагент һәм 292 тонна ком-тоз катнашмасы кулланылган.

Исегезгә төшерәбез, шәһәрдә кар чистарту буенча кайнар линияләр эшли. KZN.RU порталында урнаштырылган район администрацияләренең телефоннары буенча да, «Ачык Казан» сервисы аша да мөрәҗәгать итәргә мөмкин. Рөхсәтсез кар ташлау фактлары турында хәбәрләр ТР Экология министрлыгында кабул ителә.

Шулай ук укыгыз

Барлык яңалыклар