В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
11.02.2026, 09:12
Бер тәүлектә урам-юл челтәрен кардан чистарту эшенә 1 мең 140 берәмлек техника җәлеп ителгән
Шәһәрдән 31,8 мең тонна кар чыгарылган
Денис Гордийко фотосы
Узган тәүлектә Казанда юлларны кардан чистарту эшенә 1 мең 140 берәмлек махсус техника һәм 684 юл эшчесе җәлеп ителгән. Бу вакыт эчендә шәһәр урамнарыннан 31,8 мең тонна кар чыгарылган. Юллардагы бозлавыкны эшкәртү өчен 409 тонна материал, шул исәптән 81 тонна реагент һәм 328 тонна ком-тоз катнашмасы тотылган.
Тышкы төзекләндерү комитетында хәбәр итүләренчә, февральдә шәһәрдә айлык явым-төшем нормасының 101 проценты яуган.
Урам-юл челтәрен кардан чистарту һәм урамнарны бозлавыкка каршы материал белән эшкәртү эшләре көндез дә дәвам итә. Бүген юллардагы карны 598 берәмлек техника һәм 574 юл эшчесе чистартачак.
Кышкы чорда Казаннан барлыгы 871,7 мең тонна кар чыгарылган, юллардагы бозлавыкны эшкәртү өчен 50,2 мең тонна материал тотылган.
Казанлылар юлларның һәм тротуарларның торышы турындагы хәбәрләрне @kznhelpbot телеграм-ботына юллый яисә +7(843)222-72-22 телефон номерына шалтыратып җиткерә ала.
Шулай ук укыгыз
-
11.02.2026, 11:40 -
11.02.2026, 10:32 -
11.02.2026, 10:22 -
11.02.2026, 09:29