Узган атнада Казанның Гражданнар хәле актларын теркәү бүлекләрендә 429 бала тууы теркәлгән

Ата-аналар балаларына Маркел, Ростислав, Изабэлла, Лана, Дарин, Мирон, Ника, Радмилла, Алекс, Реваль исемнәре кушканнар.

(Казан шәһәре KZN.RU, 23-нче март). Узган атнада Казанның Гражданнар хәле актларын теркәү бүлекләрендә 429 бала (216 малай һәм 213 кыз) тууы теркәлгән.

Казанның иң яшь анасына 18 яшь булса, иң өлкәненә – 43. Иң яшь әтигә 18 яшь булса, иң өлкәненә – 56. Туган вакытта минималь һәм максималь бала авырлыгы күрсәткечләре – 1250 һәм 5200 грамм.

Атна дәвамында иң еш кушылган исемнәр: Арина, Тимур, Камил, София, Әмир, Анастасия, Ралина, Кәрим, Алиса. Сирәк кушылган исемнәр: Маркел, Ростислав, Изабэлла, Лана, Дарин, Мирон, Ника, Радмилла, Алекс, Реваль.

Шушы ук чорда Гражданнар хәле актларын теркәү бүлекләрендә 131 пар никахларын рәсмиләштергән. Иң яшь кияү белән кәләшкә – 18 һәм 19 яшь булса, иң өлкәннәренә – 62 һәм 60 яшь, дип хәбәр итә Казанның Гражданнар хәле актларын теркәү идарәсе.

Шулай ук укыгыз

Барлык яңалыклар