Атна эчендә Казанның ашыгыч ярдәм хезмәтен бала табу очракларына 66 тапкыр чакырганнар

11 февральдән 17 февральгә кадәрге атнада медикларга барлыгы 8,5 меңнән артык чакыру килгән.

(Казан шәһәре KZN.RU, 18-нче февраль). 11-нче февральдән 17-нче февральгә кадәрге атнада Казанның ашыгыч ярдәм хезмәтенә 7121 чакыру килгән, 1154 очрагы җәмәгать урыннарына бару белән бәйле.

Төрле авырулар сәбәпле ашыгыч ярдәмгә 6863 казанлы мөрәҗәгать иткән. Аерым алганда, көчле миокард инфаркты буенча 63 очрак һәм мидәге кан әйләнеше бозылу буенча 192 очрак теркәлгән. Бала табу очраклары уңаеннан табибларга 66 чакыру килгән.

860 чакыру бәхетсезлек очраклары белән бәйле. Юл-транспорт вакыйгалары белән бәйле очракларга 42 тапкыр чакыртылганнар, аларда 44 кеше зыян күргән, 14 кеше хастаханәгә озатылган, 1 кеше һәлак булган. Янгын очракларына табиблар 14 тапкыр чакыртылган, биредә 2 кеше зыян күргән.

Узган атна белән чагыштырганда, чакырулар саны 173-кә кимегән. Түбәндәге оракларга медикларны чакырулар саны арткан: юл-транспорт һәлакәте (8-гә), миокард инфаркты (7-гә), мидәге кан әйләнеше бозылу (18-гә). Түбәндәге очаркларга чакырулар саны кимегән: янгын (2-гә), бала табу (1-гә). Җәмәгать урыннарына чакырулар саны 15-кә арткан, дип хәбәр итә “Казанның ашыгыч медицина ярдәме станциясе” дәүләт автоном сәламәтлек саклау учреждениесе.

Шулай ук укыгыз

Барлык яңалыклар