Төнлә Казан урамнарында 552,8 тонна бозлавыкка каршы материаллар кулланганнар

Бүген көндез кар җыюда 260 берәмлек махсус техника һәм 476 эшче эшли

Узган төндә Казан урамнарыннан 950 тонна кар чыгарылган. Барлыгы 552,8 тонна бозлавыкка каршы материал: 277,8 тонна реагент һәм 275 тонна ком-тоз катнашмасы кулланылган. Төнге юлларны җыештыруга 175 берәмлек техника һәм 38 эшче җәлеп ителгән.

Хәзер юлларны һәм тротуарларны кардан чистарталар, шуннан соң аларны бозлавыкка каршы материаллар белән эшкәртәчәкләр. Бүген көндез 476 юл эшчесе һәм 260 берәмлек техника кар чистартырга чыгачак, дип хәбәр иттеләр Тышкы төзекләндерү комитетында.

Кышкы сезон башыннан Казан урамнарыннан барлыгы 218,9 мең тоннадан артык кар чыгарылган, 49,8 мең тонна бозлавыкка каршы материал тотылган.

Ишегалларын җыештыруга кагылышлы кисәтүләрне шәһәрлеләр «Ачык Казан» системасына сайтта яисә +7(843)236-41-23 телефоны аша җибәрә алалар. Моннан тыш, проблемалы участоклар турында чат-ботка яки кайнар линия телефоннары аша хәбәр итәргә мөмкин.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар