Бер атна эчендә Казанда үзләренең никахларын 399 пар теркәгән

Узган атнада балаларга кушылган иң сирәк исемнәр Акбарс, Виктор, Мирослав, Усман, Алекса, Маргарита, Милада, Симон булган.

Фото: Денис Гордийко

(Казан шәһәре KZN.RU, 18 нче июль). Узган атнада, 11 нче июльдән 17 нче июльгә кадәр, Гражданнар хәле актларын теркәү идарәсенең Казан бүлекләрендә 378 бала туган – 194 малай һәм 184 кыз.

Туган вакытта иң кечкенә авырлыктагы бала 980 грамм булган, ә иң зурысы – 4860 грамм, дип хәбәр иттеләр Казанның Гражданнар хәле актларын теркәү идарәсендә.

Казанлылар балаларына кушкан иң популяр исемнәр түбәндәгеләр булган: Аяз, Кәрим, Марк, Эмиль, Алисә, Кира, София һәм Юлия. Акбарс, Виктор, Мирослав, Усман, Алекса, Маргарита, Милада, Симона атнаның сирәк исемнәре рәтендә тора.

Шул ук вакыт эчендә шәһәрнең Гражданнар хәле актларын теркәү бүлекләрендә 399 пар никахларын теркәгән.

Шулай ук укыгыз

Барлык яңалыклар