Бер атна эчендә Казанда 388 бала туган

Яңа туган сабыйларга кушылган исемнәр арасында иң популярлары Әмир, Артем, Демид, Әскәр, Ясминә, Ксения булган.

Фото: Денис Гордийко

(Казан шәһәре KZN.RU, 13 нче сентябрь). Узган атнада, 5-11 нче сентябрьдә, Казанда 388 бала туган: 204 малай һәм 184 кыз. Туган вакытта минималь авырлыктагы бала 1150 грамм булган, ә иң зур авырлыктагысы – 4650 грамм.

Яңа туган сабыйларга ешрак Әмир, Артем, Демид, Әскәр, Ульяна, Ясминә, Ксения һәм Алиса исемнәре кушылган. Иң сирәк исемнәр Рим, Марс, Рамзан, Заур, Риналия, Северина, Сара һәм Гренада булган.

Шулай ук бу чорда шәһәрдә 368 пар никахлашкан, дип хәбәр иттеләр Казанның Гражданлык хәле актларын теркәү идарәсендә.

Шулай ук укыгыз

Барлык яңалыклар