В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
19.04.2021, 10:43
Атна дәвамында Казанның ашыгыч ярдәме 7,5 меңнән артык чакыру үтәде
Юл-транспорт һәлакәте урыныннан 36 шалтырату килгән.
Фото: Марат Мугинов
(Казан шәһәре KZN.RU, 19-нчы апрель). Узган атнада, 12-нче апрельдән 18-нче апрельгә кадәр, Казанның ашыгыч медицина ярдәменә 7568 чакыру килгән, шул исәптән 1273 чакыру җәмәгать урыннарыннан.
Иң күп чакыру, 6674, төрле авырулар белән бәйле башкарылган. Алардан 175 урынга чыгуга баш миенең кан әйләнеше бозылуы, ә 74 чакыруга – кискен миокард инфарктлары сәбәп булган. Бала табу очракларына табиблар 69 тапкыр чыккан.
Бәхетсезлек очракларына медицина хезмәткәрләрен 825 тапкыр чакыртканнар, шул исәптән 36 шалтырату юл-транспорт һәлакәте урыныннан килгән. Аварияләрдә 32 кеше зыян күргән, дәвалау учреждениеләренә 22 зыян күрүчене китергәннәр, икесе һәлак булган. Моннан тыш, ашыгыч ярдәм 8 чакыруны янгын урыннарына үтәгән, аларда бер кеше зыян күргән, бер кеше һәлак булган, дип хәбәр иттеләр «Ашыгыч медицина ярдәме станциясе» дәүләт автоном сәламәтлек саклау учреждениесендә.
Шулай ук укыгыз
-
20.09.2025, 16:02 -
19.09.2025, 18:21 -
19.09.2025, 17:53 -
19.09.2025, 16:33