Узган атнада Казанның ашыгыч ярдәм хезмәте 7,8 мең чакыруга барган

Узган атнада Казанның ашыгыч ярдәм хезмәте 7,8 мең чакыруга барган

<p> <img src="https://www.kzn.ru/upload/iblock/428/karety_skoroy_pomoshchi_870.jpg"><br> </p> <p> (Казан шәһәре KZN.RU, 23-нче март). 16-нчы марттан 22-нче мартка кадәрге атнада Казанның ашыгыч ярдәм хезмәтенә 7804 чакыру килгән, 1120 очрагы җәмәгать урыннарына бару белән бәйле. </p> <p> Төрле авырулар сәбәпле ашыгыч ярдәмгә 6344 казанлы мөрәҗәгать иткән. Аерым алганда, көчле миокард инфаркты буенча 46 очрак һәм мидәге кан әйләнеше бозылу буенча 197 очрак теркәлгән. Бала табу очраклары уңаеннан табибларга 60 чакыру килгән. </p> <p> 730 чакыру бәхетсезлек очраклары белән бәйле. Юл-транспорт вакыйгалары белән бәйле очракларга 23 тапкыр чакыртылганнар, аларда 20 кеше зыян күргән, 10 кеше хастаханәгә озатылган, бер кеше үлгән. Янгын очракларына табиблар 15 тапкыр чакыртылган, аларда 2 кеше зыян күргән, дип хәбәр итә «Казанның ашыгыч медицина ярдәме станциясе» дәүләт автоном сәламәтлек саклау учреждениесе. </p>

2020-03-23T10:00:00+0300