Атна эчендә Казанның ашыгыч ярдәм хезмәте 74 тапкыр бала табу очракларына барган

Атна эчендә Казанның ашыгыч ярдәм хезмәте 74 тапкыр бала табу очракларына барган

<p> (Казан шәһәре KZN.RU, 25-нче март). 18-нче марттан 24-нче мартка кадәрге атнада Казанның ашыгыч ярдәм хезмәтенә 7875 чакыру килгән, 1203 очрагы җәмәгать урыннарына бару белән бәйле. </p> <p> Төрле авырулар сәбәпле ашыгыч ярдәмгә 6202 казанлы мөрәҗәгать иткән. Аерым алганда, көчле миокард инфаркты буенча 60 очрак һәм мидәге кан әйләнеше бозылу буенча 187 очрак теркәлгән. Бала табу очраклары уңаеннан табибларга 74 чакыру килгән. </p> <p> 867 чакыру бәхетсезлек очраклары белән бәйле. Юл-транспорт вакыйгалары белән бәйле очракларга 21 тапкыр чакыртылганнар, аларда 21 кеше зыян күргән, 12 кеше хастаханәгә озатылган. Янгын очракларына табиблар 12 тапкыр чакыртылган, биредә 4 кеше зыян күргән. </p> <p> Узган атна белән чагыштырганда чакырулар саны 145-кә кимегән, дип хәбәр итә «Казанның ашыгыч медицина ярдәме станциясе» дәүләт автоном сәламәтлек саклау учреждениесе. </p>

2019-03-25T09:46:04+0300